ଅଙ୍କାରା: ତୁର୍କୀରେ ରହୁଥିବା ୭୧ ବର୍ଷୀୟ ମେହମେଟ ଓଜ୍ୟୁରେକଙ୍କ ନାକ ଦୁନିଆର ସବୁଠାରୁ ବଡ଼ ନାକ ଏବଂ ଏହା ଲଗାତର ଭାବେ ଲମ୍ବିବାରେ ଲାଗିଛି। ମେହମେଟଙ୍କ ନାକ ପ୍ରାୟ ୩.୫ ଇଞ୍ଚ ଅର୍ଥାତ ୮.୮ ସେଣ୍ଟିମିଟର ଲମ୍ବା। ପ୍ରାୟ ୧୧ ବର୍ଷ ପୂର୍ବରୁ ଗିନିଜ୍ ୱାର୍ଲ୍ଡ ରେକର୍ଡ଼ ପକ୍ଷରୁ ତାଙ୍କୁ ସବୁଠାରୁ ଲମ୍ବା ନାକ ଥିବା ବ୍ୟକ୍ତି ଆଖ୍ୟା ଦିଆଯାଇଥିଲା। ବର୍ତ୍ତମାନ କମ୍ପାନୀ ଏତେ ବର୍ଷ ପରେ ପୁଣି ଥରେ ଘୋଷଣା କରିଛି ଯେ ମେହମେଟଙ୍କ ନାକ ଦୁନିଆର ସବୁଠୁ ଲମ୍ବା।
ରିପୋର୍ଟ ମୁତାବକ, ବର୍ତ୍ତମାନ ଦୁନିଆରେ କୌଣସି ଜୀବନ୍ତ ବ୍ୟକ୍ତିଙ୍କର ଏତେ ବଡ ନାକ ନାହିଁ। ଗିନିଜ ୱାର୍ଲ୍ଡ ରେକର୍ଡ ଟ୍ବିଟ୍ କରି କହିଛି ଯେ, ୨୦୧୦ ମସିହା ଆଜରି ଦିନରେ ତୁର୍କୀର ମେହମେଟଙ୍କୁ ପୃଥିବୀର ଜୀବନ୍ତ ଲୋକଙ୍କ ମଧ୍ୟରେ ସବୁଠାରୁ ବଡ ନାକ ଥିବା ବ୍ୟକ୍ତିଙ୍କ ଆଖ୍ୟା ଦିଆଯାଇଥିଲା। ତାଙ୍କ ନାକ ୮.୮ ସେମି ଥିଲା। ତେବେ ଇତିହାସରେ ମେହମେଟ ସବୁଠାରୁ ଲମ୍ବା ନାକ ଥିବା ବ୍ୟକ୍ତି ନୁହଁନ୍ତି।
