ବାଲେଶ୍ୱର : ସୋର ଥାନା ଅନ୍ତର୍ଗତ ଟେଣ୍ଟେଇ ଗ୍ରାମରେ ଗତ ମାସ ୯ତାରିଖରେ ଦୁଇ ଜଣଙ୍କ ସନ୍ଦେହ ଜନକ ମୃତ୍ୟୁ ହୋଇଥିଲା। ଏହି ଘଟଣାକୁ ଏକ ମାସ ହେଲେ ମଧ୍ୟ ସେମାନଙ୍କ ମୃତ୍ୟୁର କାରଣ ସ୍ପଷ୍ଟ ହୋଇ ନଥିବାରୁ ଆଜି ଗ୍ରାମବାସୀ ମାନେ ରାସ୍ତା ରୋକ କରିଛନ୍ତି। ଘଟଣାର ରହସ୍ୟ ଉନ୍ମୋଚନ ପାଇଁ ସେମାନେ ସିବିଆଇ ତଦନ୍ତ ଦାବି କରିଛନ୍ତି। ଏହି କାରଣରୁ ଅନନ୍ତପୁର – ସୋର ରାସ୍ତାର ଅଇଁରି ଛକରେ ରାସ୍ତରୋକ କରିଥିଲେ। ଘଟଣା ସ୍ଥଳରେ ତହସିଲଦାର , ଏସଡ଼ିପିଓ ଓ ଆଇଆଇସି ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ହଟିଥିଲା।
