ବାଙ୍କୀ: ସ୍ଥାନୀୟ ବାଙ୍କୀ ସ୍ୱୟଂଶାସିତ ମହାବିଦ୍ୟାଳୟ ସମ୍ମିଳନୀ ପ୍ରକୋଷ୍ଠରେ କୃଷକ ଉତ୍ପାଦକ ସଂଘର ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି କର୍ମଶାଳାରେ ବାଙ୍କୀ,ବାରଙ୍ଗ ଓ ନରସିଂହପୁର ବ୍ଲକର ନିର୍ଦ୍ଦେଶକ ମାନେ ଯୋଗଦେଇ ଅଂଚଳରେ କୃଷକ ମାନଙ୍କର ଉନ୍ନତି ଓ ଉତ୍ପାଦକ ସାମଗ୍ରୀର ବିକ୍ରି ଓ ପରିଚାଳନା ପାଇଁ କିଭଳି କାର୍ଯ୍ୟପନ୍ଥା ଗ୍ରହଣ କରାଯିବ ସେ ନେଇ ଆଲୋଚନା କରାଯାଇଛି। କୃଷି ସାମଗ୍ରୀକୁ ଉଚ୍ଚ ମାନର ବଜାର ମାଧ୍ୟମରେ ବିକ୍ରି ସୁବିଧା ଓ କୃଷକର ଆର୍ଥିକ ମେରୁଦଣ୍ଡକୁ ସୁଦୃଢ କରିବା ପାଇଁ ଉତ୍ପାଦକ ସଂଘର ଲକ୍ଷ ସମ୍ପର୍କରେ ଅବଗତ କରାଯାଇଛି। ଉକ୍ତ କର୍ମଶାଳାକୁ ଭୂବନେଶ୍ୱର ସ୍ଥିତ ଉତ୍କଳ ବିପନ୍ନ ସହାୟତା ସମିତିର ସଭାପତି ଅଭୟ କୁମାର ସାମନ୍ତରାୟ ମୁଖ୍ୟଅତିଥି ଭାବରେ ଯୋଗଦେଇ ଉଦ୍ଘାଟନ କରିଥିଲେ। ସିଦ୍ଧେଶ୍ବର ପାଇକରାୟ ସ୍ୱାଗତ ଭାଷଣ ଦେଇଥିଲେ ବେଳେ ନରସିଂହପୁର ବ୍ଲକର ସମାଜସେବୀ ସରୋଜ ରଣା ଅତିଥି ପରିଚୟ ପ୍ରଦାନ କରିଥିଲେ। ସମ୍ମାନିତ ଅତିଥି ଭାବରେ ସହକାରୀ ଉଦ୍ୟାନ ଅଧିକାରୀ ବିଜୟ କୁମାର ପଣ୍ଡା,ସଂଜୟ କୁମାର ବେଉରା,ବିଜୟ କୁମାର ସାହୁ ଓ ବସୁଧା ଟ୍ରଷ୍ଟର ସଭାପତି ଓକିଲ ଅଜୟ କୁମାର ସ୍ୱାଇଁ ପ୍ରମୁଖ ଯୋଗଦେଇ କାର୍ଯ୍ୟକ୍ରମର ଆଭିମୁଖ୍ୟ ପ୍ରଦାନ କରିଥିଲେ।
Popular Categories
Previous article
Next article