ରାୟଗଡା: ରାୟଗଡା ସ୍ଥିତ ଜେକେ ପେପର ମିଲରେ ଅନେକ ଦିନ ଧରି କର୍ମଚାରୀଙ୍କ ଅସନ୍ତୋଷ କାରଣରୁ ଆନ୍ଦୋଳନ ଲାଗି ରହିଥିଲା। ଏହା ଫଳରେ ଅଗଷ୍ଟ ୩୧ ତାରିଖ ଠାରୁ କମ୍ପାନୀ କର୍ତ୍ତୃପକ୍ଷ ମୁଖ୍ୟ ଫାଟକରେ ତାଲା ପକାଇ ଦେଇଥିଲେ। ଗତକାଲି ତ୍ରିପାକ୍ଷିକ ଆଲୋଚନା ପରେ ସମାଧାନର ବାଟ ବାହାରିଥିବା ଜଣାପଡିଛି। ଆନ୍ଦେଳନକାରୀମାନେ ଆନ୍ଦୋଳନ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଛନ୍ତି। ମଙ୍ଗଳବାର ଦିନ କମ୍ପାନୀ କର୍ତ୍ତୃପକ୍ଷ ତାଲା ଖୋଲିବା ପରେ ପେପର ମିଲ ସ୍ୱାଭାବିକ ଭାବେ ଚାଲିବ ବୋଲି ସୂଚନା ଦିଆଯାଇଛି।
ସୂଚନାଯୋଗ୍ୟ ଯେ, ଜେକେ ପେପର ମିଲରେ ଅଗଷ୍ଟ ୨୪ ତାରିଖରୁ ଶ୍ରମିକ ଅଶାନ୍ତି ଲାଗି ରହିଥିଲା। ଏନେଇ ଆଲୋଚନା କରାଯାଇଥିଲେ ମଧ୍ୟ ତାହା ବିଫଳ ହୋଇଥିଲା। ତେଣୁ କମ୍ପାନୀ କର୍ତ୍ତୃପକ୍ଷ ଆଲୋଚନା ବିଫଳ ପରେ କମ୍ପାନୀରେ ତାଲା ପକାଇ ଦେଇଥିଲେ।
ଆଜି ଜେକେ ପେପର ମିଲ ଖୋଲିବ
Popular Categories
Previous article
Next article