କୁଖ୍ୟାତ ଆତଙ୍କବାଦୀ ଜଲାଲୁଦ୍ଦୀନ ହକ୍କାନୀର ମୃତ୍ୟୁ

ଇସଲାମାବାଦ :  ଆଫଗାନିସ୍ତାନର କୁଖ୍ୟାତ ଆତଙ୍କବାଦୀ ହକ୍କାନୀ ନେଟୱାର୍କର ପ୍ରତିଷ୍ଠାତା ଜଲାଲୁଦ୍ଦୀନ ହକ୍କାନୀର ମୃତ୍ୟୁ ଘଟିଛି।  ଦୀର୍ଘ ଦିନ ଧରି ରୋଗରେ ପୀଡିତ ରହିବା ପରେ ମଙ୍ଗଳବାର ତା’ର ମୃତ୍ୟୁ ଘଟିଛି । ମୃତ୍ୟୁ ବେଳକୁ ତାକୁ ୭୨ ବର୍ଷ ବୟସ ହୋଇଥିଲା।  ହକ୍କାନୀ ନେଟୱାର୍କ ପକ୍ଷରୁ ଏ ବିଷୟରେ ସୂଚନା ଦିଆଯାଇଛି। ୨୦୧୨ରେ ଆମେରିକା ହକ୍କାନୀ ନେଟୱାର୍କକୁ ଆତଙ୍କବାଦୀ ସଂଗଠନ ଭାବେ ଘୋଷଣା କରିଥିଲା। ହକ୍କାନୀର ମୃତ୍ୟୁ ପରେ ହକ୍କାନୀ ନେଟୱାର୍କ ଏବଂ ଆତଙ୍କବାଦୀ ସଂଗଠନକୁ ଧକ୍କା ଳାଗିଛି। ତାଲିବାନର ଜଣେ ଉପ ନେତା ଜଲାଲୁଦ୍ଦୀନର ପୁଅ ସିରାଜଉଦ୍ଦୀନ ହକ୍କାନୀ ବର୍ତମାନ ଏହି ନେଟୱାର୍କର ନେତୃତ୍ୱ ନେଉଛି । ପୂର୍ବରୁ ଜଲାଲୁଦ୍ଦୀନ ଆଫଗାନ ମୁଜ୍ଜାହିଦୀନର କମାଣ୍ଡର ଥିଲା ।

୧୯୮୦ରେ ସେ ଆମେରିକା ଏବଂ ପାକିସ୍ତାନର ସାହାଯ୍ୟରେ ଆଫଗାନିସ୍ତାନରୁ ସୋଭିଏତ ବିରୁଦ୍ଧରେ ଲଢୁଥିଲା । ସେ ଅନେକ ଜିହାଦୀମାନଙ୍କ ସହ ସମ୍ପର୍କ ସ୍ଥାପନ କରିଥିବା ଜଣାପହିଛି।