କାଶୀପୁର: ରାୟଗଡ଼ା ଜିଲା କାଶୀପୁର ପୁଲିସ ହାତରେ ଲାଗିଛି ଗଞ୍ଜେଇ ମାପିଆଙ୍କ ଚେର। ଚୋରାଚାଲାଣ କରୁଥିବାବେଳେ କାଶୀପୁର ପୁଲିସ ୪ ଜଣକୁ ଗିରଫ କରିବା ସହ ସେମାନଙ୍କଠାରୁ ୬୭ କେଜି ୨ ଶହ ଗ୍ରାମର ଗେଞ୍ଜଇ ଜବତ କରିଛି। ଏଥିସହ ଏକ ହୋଣ୍ଡାସିଟି କାର, ୪ଟି ମୋବାଇଲ, ଏଟିଏମ କାର୍ଡ଼, ଆଇଡେଣ୍ଟିଟି କାର୍ଡ ସହ ନଗଦ ୫୭୦ ଟଙ୍କା ଜବତ କରିଛି। ଏତେ ପରିମାଣର ଗଞ୍ଜେଇ ଜବତ କରାଯିବା ପରେ ଏକ ବାହାର ରାଜ୍ୟର ରାକେଟ୍ କାମ କରୁଥିବା ପୁଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି। ଗିରଫ ହୋଇଥିବା ୪ ଜଣ ଅଭିଯୁକ୍ତଙ୍କ ଘର ବିହାର ରାଜ୍ୟର ଛାପ୍ରା ଜିଲା ଅଞ୍ଚଳର ବୋଲି ଜଣାପଡ଼ିଛି। ଶୁକ୍ରବାର ଦିନ ମଧ୍ୟରାତ୍ରିରେ କାଶୀପୁର ଥାନା ଅଧିକାରି ପ୍ରଶନ୍ନ କୁମାର ମିଶ୍ରଙ୍କ ନିର୍ଦେଶକ୍ରମେ ଏସଆଇ ଦେବି ପ୍ରସାଦ ସାହୁଙ୍କ ସହ ଆଇଆରବି ଏବଂ ପୁଲିସ କାଶୀପୁର ଆଇଫାଡ ଛକ ନିକଟରେ ଧରପଗଡ଼ କରୁଥିବା ସମୟରେ ଗୋଟିଏ ବାହାର ରାଜ୍ୟର କାର ଉକ୍ତ ରାସ୍ତା ଦେଇ ଯାଉଥିଫା ସମୟରେ ପୁଲିସ ଉକ୍ତ ଗାଡିକୁ ସନ୍ଦେହ କରି ଯାଞ୍ଚ କରିବା ସମୟରେ ଗଞ୍ଜେଇ ଚୋରା ଚାଲାଣ ହେଉଥିବା ଜାଣିପାରିଥିଲା। ମାଜିଷ୍ଟ୍ରେଟ ଦାୟିତ୍ବରେ କାଶୀପୁର ତହସିଲଦାର ଶରତ ଶବରଙ୍କ ଉପସ୍ଥିତିରେ ଗାଡି ଯାଞ୍ଚ କରାଯାଇ ଗାଡି ମଧ୍ୟରୁ ୬୭ କେଜି ୨୦୦ ଗ୍ରାମର ଗଞ୍ଜେଇ ଜବତ କରାଯାଇଥିଲା। ତେବେ ଜବତ ହୋଇଥିବା ଗଞ୍ଜେଇ କୋରାପୁଟରୁ ଭାୟା କଳାହାଣ୍ଡି ଜିଲାଦେଇ ବିହାର ରାଜ୍ୟକୁ ଚାଲାଣ କରାଯାଉଥିବା ସୂଚନା ମିଳିଛି। ଏନେଇ କାଶୀପୁର ପୁଲିସ ଛାନଭିନ କରିବା ସହ ତଦନ୍ତ ଜାରି ରଖିଛି । କାଶୀପୁର ପୁଲିସ ଏନେଇ ଏକ ମାମଲା ରୁଜୁ କରିବା ସହ ସମସ୍ତ ୪ ଜଣ ଅଭୀଯୁକ୍ତଙ୍କୁ ଗିରଫ କରି ଅଦାଲତ ଚାଲଣ କରିଥିବା କାଶୀପୁର ପୁଲିସ ସୂଚନା ଦେଇଛି।
Comments are closed.