ନାବାଳିକା ନିଖୋଜ ନେଇ ଥାନାରେ ଏତଲା

ମୋହନା : ଗଜପତି ଜିଲ୍ଲା ଅଡବା ଥାନା ଅନ୍ତର୍ଗତ କେଶରିଗୁଡା ପଞ୍ଚାୟତ ବେସରଗୁଡା ଗାଁର ଜଣେ ନାବାଳିକା ନିଖୋଜ ଥିବା ଥାନାରେ ଅଭିଯୋଗ ହୋଇଛି। ଶନିବାର ଏ ନେଇ ନିଖୋଜ ନାବାଳିକାଙ୍କ ଦାଦା ମୋହନା ଚାଇଲ୍ଡ ଲାଇନ ସହାୟତାରେ ଅଡବା ଥାନାରେ ଏତଲା ଦେବା ପରେ ତଦନ୍ତ ଆରମ୍ଭ କରିଛି ଅଡବା ପୁଲିସ। ଅଭିଯୋଗ ଅନୁଯାୟୀ ଗତ ଅଗଷ୍ଟ ୬ ରାତ୍ର ୮ ଘଟିକା ସମୟ ପର୍ଯ୍ୟନ୍ତ ନାବଳିକା ଘରକୁ ନଫେରିବାରୁ ପରିବାର ମଧ୍ୟରେ ଆଶଙ୍କା ପ୍ରକାଶ ପାଇଥିଲା। ଏହାପରେ ପରିବାର ଲୋକେ ବିଭିନ୍ନ ଆଡେ ଖୋଜା ଖୋଜି କରିଥିଲେ ମାତ୍ର ତାଙ୍କର କୌଣସି ସନ୍ଧାନ ମିଳି ନଥିଲା। ପୂର୍ବରୁ ଗାଁର ୪ ଜଣ ନାବାଳିକା ମଧ୍ୟ ସେହି ଦିନଠାରୁ କେଉଁ ଆଡେ ଚାଲିଯାଇଥିବା ଜଣା ପଡିଥିଲା। ଇତି ମଧ୍ୟରେ ପରିବାର ଲୋକେ ନିଜ ସମ୍ପର୍କୀୟ ଘର, ବିଭିନ୍ନ ଗ୍ରାମ ତଥା ବନ୍ଧୁବାନ୍ଧବଙ୍କ ଘରେ ଖୋଜା ଖୋଜି କରିଥିଲେ ହେଲେ ନାବାଳିକାର କୌଣସି ସନ୍ଧାନ ନମିଳୀବାରୁ ମୋହନା ଚାଇଲ୍ଡ ଲାଇନ ସହାୟତାରେ ଅଡବା ଥାନାରେ ଏତଲା ଦେଇଥିବା ଜଣା ପଡିଛି। ଏ ସମ୍ପର୍କରେ ଅଡବା ଥାନାଧିକାରୀ ମୁକେଶ ଲାକ୍ରାଙ୍କୁ ପଚାରିବାରୁ ସେ ଏଥିନେଇ ତଦନ୍ତ ଚାଲୁ ରହିଛି ବୋଲି କହିଛନ୍ତି।