ଭୋପାଳ : ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କର ଏକ ବସ୍ ଉପରକୁ ରବିବାର ଟେକାମାଡ଼ ହୋଇଛି। ଆଗାମୀ ବିଧାନସଭା ନିର୍ବାଚନ ନିମନ୍ତେ ଶିବରାଜ ‘ଜନ ଆଶୀର୍ବାଦ ଅଭିଯାନ’ରେ ବାହାରି ରବିବାର ସିଧି ଜିଲାର ଚୁରହାଟ ଠାରେ ପହଞ୍ଚିଥିଲେ। ସେଠାରେ ବସ୍ଟି ବିଶାଳ ଜନସମାବେଶ ମଧ୍ୟରେ ଗତି କରୁଥିବା ବେଳେ କିଛି ଲୋକ ଏହା ଉପରକୁ ଟେକା ମାଡ଼ କରିବା ସହ କଳାପତାକା ପ୍ରଦର୍ଶନ କରିଥିଲେ। ଏ ସମ୍ବନ୍ଧୀୟ ଭିଡିଓ ଏବେ ସାମାଜିକ ଗଣମାଧ୍ୟମରେ ବହୁଳ ପ୍ରସାର ହୋଇଛି। ଟେକାମାଡ଼ରେ ଶିବରାଜ ଆହତ ହୋଇ ନ ଥିବା ପୁଲିସ କହିଛି। ଏହି ଘଟଣାରେ ପୁଲିସ ୨୦ ଜଣଙ୍କୁ ଗିରଫ କରାଯାଇଥିବା ଚୁରହାଟ ପୁଲିସ ଇନ୍ସପେକ୍ଟର ରାମ ବାବୁ ଚୌଧୁରି କହିଛନ୍ତି। ଉଲ୍ଲେଖ ଯେ, ଚୁରହାଟ ବିରୋଧୀ ଦଳର ନେତା ଅଜୟ ସିଂହଙ୍କ ନିର୍ବାଚନ ମଣ୍ଡଳୀ ବୋଲି ମଧ୍ୟପ୍ରଦେଶ ବିଜେପିର ମୁଖପାତ୍ର ରଜନୀଶ ଅଗ୍ରୱାଲ କହିଛନ୍ତି। ଏଭଳି ଆକ୍ରମଣ ନ କରି ଖୋଲାଖୋଲି ରାଜନୈତିକ ଯୁଦ୍ଧ ଲଢିବାକୁ ଶିବରାଜ ପରେ ଏକ ଜନସମାବେଶରେ ସିଂହଙ୍କୁ ଆହ୍ୱାନ ଦେଇଛନ୍ତି।
Popular Categories
Previous article
Next article