ବାଙ୍କୀ: ବାଙ୍କୀ ଅବକାରୀ ବିଭାଗ ପକ୍ଷରୁ ରବିବାର ଭୋରୁ ବିଭିନ୍ନ ଅଂଚଳରେ ଚଢାଉ କରାଯାଇ ୨ ଜଣଙ୍କୁ ଗିରଫ କରାଯିବା ସହ ୫୦ ଲିଟର ଚୋରା ଦେଶୀ ରନ୍ଧାମଦ ଜବତ କରାଯାଇଛି।
ସୂଚନା ଅନୁଯାୟୀ, ଡମପଡା ବ୍ଲକ ଅଧିନ ବାଆଁରା ଗ୍ରାମର ଜିତେନ୍ଦ୍ର ରାଉତଙ୍କଠାରୁ ୨୦ ଲିଟର ଏବଂ ଗୋପାଳପୁର ଗ୍ରାମର ରୂପା ଦେଇଙ୍କ ଘରୁ ୩୦ ଲିଟର ଚୋରା ଦେଶୀ ମଦ ଜବତ କରାଯାଇ ସମ୍ପୃକ୍ତ ୨ ଜଣଙ୍କୁ ଅବକାରୀ ବିଭାଗ ଗିରଫ କରି କୋର୍ଟ ଚାଲଣ କରିଛି। ଜିଲ୍ଲା ଭାରପ୍ରାପ୍ତ ଅବକାରୀ ଅଧିକ୍ଷକଙ୍କ ନିର୍ଦ୍ଦେଶକ୍ରମେ ବାଙ୍କୀରେ ଏହି ଚଢାଉ କରାଯାଇଥିବା ଅବକାରୀ ଅଧିକାରୀ ଟେଲେସଫର ଲାକ୍ରା ସୂଚନା ଦେଇଛନ୍ତି। ଏଏସଆଇ ଦିପକ କୁମାର ସାମଲ, କନେଷ୍ଟବଳ ସଂଜୟ ପ୍ରଧାନ, ପୂର୍ଣ୍ଣଚନ୍ଦ୍ର ମାଝି, ବିଶ୍ୱନାଥ ସୋରେନ୍, ଗୀତାଞ୍ଜଳୀ ବେହେରା ପ୍ରମୁଖ ଏହି ଚଢାଉରେ ସାମିଲ ହୋଇଥିଲେ।
