ତେଲକୋଇ: ତେଲକୋଇ ଥାନା ଅନ୍ତର୍ଗତ ଖୁଣ୍ଟାପଡା ପଞ୍ଚାୟତର ନାଠିଗୋଡ଼ା ଠାରେ ଗଛରେ ଅଟୋ ପିଟି ହୋଇ ଜଣକର ମୃତ୍ୟୁ ଘଟିଛି। ମୃତଜଣକ ହେଲେ ପରି ନାଏକ(୩୨)। ସୂଚନା ଅନୁଯାୟୀ ପରି ଜଣେ ଅଟୋ ଚାଳକ ହୋଇଥିବା ବେଳେ ସେ ହରିଚନ୍ଦନପୁର ବ୍ଲକ ପଣ୍ଡାପଡା ଥାନା ଅନ୍ତର୍ଗତ ତେନ୍ତେଳାପଶି ଗ୍ରାମର ବୋଲି ଜଣାପଡ଼ିଛି। ପରି ନିଜ ଗ୍ରାମରୁ ଭଡ଼ାରେ ସେହି ଗ୍ରାମର ଟୁନା ମୁଣ୍ଡା ଓ ତାଙ୍କ ପୁଅକୁ ଧରି ପାଠ ପଢିବା ପାଇଁ ଆକୁଳ ପଞ୍ଚାୟତ ମଲଣ୍ଡା ଗ୍ରାମକୁ ଛାଡ଼ିବାକୁ ଆସିଥିଲେ।ଅପରାହ୍ନରେ ଫେରିବା ବେଳେ ସେ ତେଲକୋଇ ଆସିଥିଲେ। ସେ ତେଲକୋଇରୁ ତାଳପଦା ଦେଇ ଘରକୁ ଫେରିବା ପାଇଁ ଯୋଜନା କରି ତେଲକୋଇରୁ ବାହାରିଥିଲେ। କିନ୍ତୁ ସେମାନେ ରାସ୍ତା ଜାଣି ନପାରିବାରୁ ଖୁଣ୍ଟାପଡା ରାସ୍ତାରେ ଚାଲିଯାଇଥିଲେ। ତେବେ ଖୁଣ୍ଟାପଡା ନିକଟ ନାଠିଗୋଡା ଠାରେ ଅଟୋଟି ଭାରସାମ୍ୟ ହରାଇ ରାସ୍ତାର ଡାହାଣ ପାର୍ଶ୍ବକୁ ଯାଇ ଏକ ଶାଳଗଛରେ ପିଟି ହୋଇଥିଲା। ଖବର ପାଇ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ତାଙ୍କୁ ଉଦ୍ଧାର କରି ତେଲକୋଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପଛରେ ବସିଥିବା ଟୁନା ମୁଣ୍ଡା(୩୦) ଅଳ୍ପକେ ବର୍ତ୍ତିଯାଇଛନ୍ତି।
Popular Categories
Previous article
Next article