କଣ୍ଟାମାଳ : ସଂପ୍ରତି ମହିଳା ଓ ଶିଶୁ କଲ୍ୟାଣ ବିଭାଗ ଏବଂ ମନରେଗା ଯୋଜନାର ଅନୁଦାନରୁ ନିର୍ମାଣ ହେବାକୁ ଥିବା ଅଙ୍ଗନବାଡି ଗୃହ ଗୁଡିକର ନିର୍ମାଣରେ ମନ୍ଥରତା ଯୋଗୁଁ ଏକ ବିପଦ ସଙ୍କୁଳ କେନ୍ଦ୍ରରେ ଅଙ୍ଗନବାଡି କର୍ମୀ କାର୍ଯ୍ୟ କରିବାକୁ ବାଧ୍ୟ ହେଉଥିବା ଦେଖିବାକୁ ମିଳିଛି । କଣ୍ଟାମାଳ ସଦର ବ୍ଳକ କଣ୍ଟାମାଳ ପଞ୍ଚାୟତର ଉଦେପୁର ଗାଁ ଯାହା ବ୍ଲକ କାର୍ଯ୍ୟାଳୟରୁ ମାତ୍ର ୩ କିଲୋମିଟର ଦୂର, ସେଠାରେ ନିର୍ମାଣ ହେବାକୁ ଥିବା ଏକ ଅଙ୍ଗନବାଡି କେନ୍ଦ୍ର ପାଖାପାଖି ବର୍ଷେ ହେବ ନିର୍ମାଣ ଚାଲିଥିଲେ ହେଁ କେନ୍ଦ୍ରର ନିର୍ମାଣ କାର୍ଯ୍ୟ ଶେଷ ହେବାର ନାଁ ଧରୁ ନଥିବା ବେଳେ ଆଉ ଅଳ୍ପ ଦିନ ମଧ୍ୟରେ ଅଙ୍ଗନବାଡିକେନ୍ଦ୍ର ଖୋଲିଗଲେ ପାଠ ପଢୁଥିବା ଶିଶୁ ମାନଙ୍କ ପାଇଁ ସମସ୍ୟା ଦେଖା ଦେବ ବୋଲି ଗ୍ରାମବାସୀ ଅଭିଯୋଗ କରିଛନ୍ତି । ଗ୍ରାମବାସୀଙ୍କ କହିବା ପ୍ରକାରେ ଏକ ସମୟରେ ନିର୍ମାଣ ଆରମ୍ଭ ହୋଇ ଥିବା ଅନ୍ୟ ଗ୍ରାମର ଅଙ୍ଗନବାଡି କେନ୍ଦ୍ର ଗୁଡିକର ନିର୍ମାଣ କାର୍ଯ୍ୟ ଶେଷ ହୋଇ ସାରିଥିବା ବେଳେ ଏହି କେନ୍ଦ୍ରର କାର୍ଯ୍ୟ ଶେଷ ପ୍ରତି ବ୍ଲକ ପ୍ରଶାସନ ଆନ୍ତରିକତା ପ୍ରକାଶ କରୁନଥିବାରୁ ଦୀର୍ଘ ମାସ ହେଲା କେନ୍ଦ୍ରଟି ଅର୍ଦ୍ଧ ନିର୍ମୀତ ହୋଇ ପଡି ରହିଛି ।
Popular Categories
Previous article
Next article