ତେଲକୋଇ : ଗାଁ ଲୋକଙ୍କ ମାଡ ଭୟରେ ପୋଲ ଉପରୁ ସମାକୋଇ ନଦୀ କୁ ଡେଇଁପଡିଲେ ଯୁବକ । ଯୁବକ ଜଣଙ୍କ ହେଉଛନ୍ତି ଖୁଣ୍ଟାପଡା ପଞ୍ଚାୟତ ଗୁଣ୍ଡରିଯୋଡା ଗ୍ରାମ ର ସତ୍ୟାନନ୍ଦ ଦେହୁରୀ(୩୫) । ଘଟଣା ଟି ଶୁକ୍ରବାର ସକାଳୁ ଘଟିଥିବା ବେଳେ ଖବର ପାଇ ଅଗ୍ନିଶ୍ରମ ବିଭାଗ କର୍ମଚାରୀ ଘଟଣା ସ୍ଥଳରେ ପହଞ୍ଚି ଯୁବକଙ୍କୁ ଉଦ୍ଧାର କରିଥିଲେ । ରଜ ବାହାଘର ସମୟରେ ପୂଜାରେ ବ୍ୟବହୃତ ଜିନିଷକୁ ଏହି ଯୁବକ ଚୋରି କରି ନେଇଥିବା ଗାଁ ଲୋକେ ସନ୍ଦେହ କରିଥିଲେ। ତାକୁ ପଚରାଉଚରା ପରେ ମୁଁ ବ୍ୟାଙ୍କରୁ ଟଙ୍କା ଉଠାଇ ଜିନିଷ କିଣି ଦେଇଦେବି ବୋଲି ଯୁବକ ଜଣଙ୍କ କହିଥିଲେ। ହେଲେ ଦୁଇଦିନ ହେବ କୁଆଡେ ଚାଲି ଯାଇଥିଲେ। ତେବେ ଆଜି ଯୁବକଙ୍କୁ ଗାଁରେ ଲୋକେ ଦେଖି ଚୋରି ଜିନିଷ ମାଗିବାରୁ ଯୁବକ ଜଣଙ୍କ ଦୌଡ଼ି ପଳାଇଥିଲେ। ଗାଁ ଲୋକ ମଧ୍ୟ ତା ପଛରେ ଗୋଡାଇ ଥିଲେ। କାଳେ ଗାଁ ଲୋକେ ମାଡ ମାରିବେ ଭାବି ଭୟରେ ଯୁବକ ଜଣଙ୍କ ସମାକୋଇ ନଦୀକୁ ଡେଇଁ ପଡିଥିଲେ। ଭାସି ଯାଉଥିବା ବେଳେ କିଛି ସ୍ଥାନୀୟ ଯୁବକ ଉଦ୍ଧାର ପାଇଁ ଉଦ୍ୟମ କରିଥିଲେ। ତେବେ ସେମାନେ ସଫଳ ନହେବାରୁ ଅଗ୍ନିଶ୍ରମ ବିଭାଗକୁ ଖବର ଦେଇଥିଲେ। ଖବର ପାଇ ଅଗ୍ନିଶ୍ରମ ବିଭାଗ କର୍ମଚାରୀ ତେଲକୋଇ ଥାନା ନିକଟ ନଦୀ ଘାଟରୁ ଯୁବକଙ୍କୁ ଉଦ୍ଧାର କରି ତେଲକୋଇ ମେଡିକାଲରେ ଭର୍ତ୍ତି କରିଛନ୍ତି। ଯୁବକ ଙ୍କ ସ୍ବାସ୍ଥ୍ୟ ଅବସ୍ଥା ସ୍ଥିର ରହିଛି।
Popular Categories
Previous article
Next article