ବଲାଙ୍ଗିର: ଜଳସେଚନ ବିଭାଗର ଜେଇ ଜଗରକ୍ଷୀ ପଧାନ। ନିଜ ପାଳିତ କୁକୁର ପାଇଁ ଔଷଧ ଆଣିବାକୁ ଆସିଥିଲେ କୋର୍ଟ ନିକଟକୁ। ଏଟିଏମରେ ଟଙ୍କା ନ ବାହାରିବାରୁ ବରପାଲିପଡା ଏଟିଏମକୁ ଯାଇଥିଲେ। ସେଠାରେ ମାରଣାସ୍ତ୍ର ଦେଖାଇ ଲୁଟେରାମାନେ ଲୁଟିବାକୁ ଉଦ୍ୟମ କରିଥିଲେ। ଟଙ୍କା ପାଖରେ ନଥିବା କହିବାରୁ ଜଗରକ୍ଷୀଙ୍କ କାରକୁ ଲୁଟେରା ଚଳାଇ କନ୍ଧପାଲି ଆଡକୁ ନେଉଥିଲେ। ପଛରେ ଏକ ବାଇକରେ ଅନ୍ୟ ଜଣେ ଲୁଟେରା ଜଗରକ୍ଷୀଙ୍କୁ ବସାଇଥିଲେ।
ସାମ୍ନା ପଟୁ ଏକ କାର ଆସିବାରୁ ଜଗରକ୍ଷୀଙ୍କ ଅଲଟୋ କାର ଡ୍ରେନକୁ ଗଡି ଯାଇଥିଲା। ସାମ୍ନାରେ ଥିବା କାରରେ ଥିଲେ ବ୍ୟବସାୟୀ ବ୍ରିଜେଶ ପଟେଲ, ଦେବେଶ ପଟେଲ ଓ ତୁଷାର ବ୍ୟାସ। ସେମାନଙ୍କ ୧.୮୫ ଟଙ୍କା ଓ ୩ ମୋବାଇଲ ନେଇ ଲୁଟେରା ଫେରାର ମାରିଥିଲେ। ଜଗରକ୍ଷୀ ପହଞ୍ଚି କାରକୁ ଟାଉନ ଥାନାକୁ ଆଣିଥିଲେ। ୩ ବ୍ୟବସାୟୀ ଜଗରକ୍ଷୀଙ୍କୁ ଲୁଟେରା କହିଥିଲେ ଥାନାରେ। ମାତ୍ର ଜଗରକ୍ଷୀ ସବୁ ଘଟଣା ପୁଲିସରେ କହିବା ପରେ ଟାଉନ ପୁଲିସ ଜଣଙ୍କୁ ଅଟକ ରଖି ପଚରା ଉଚୁରା ଚଳାଇଛି।
