ବେଗୁନିଆ : ବେଗୁନିଆ ବ୍ଲକରେ ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି। ଏହି ବ୍ଲକର ସିକୋ ପଞ୍ଚାୟତ ଅନ୍ତର୍ଗତ ଦୁଇଟି ମୌଜାରେ ୭ ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ତହସିଲଦାର ପୃଥ୍ୱୀରାଜ ମଣ୍ଡଳ ସମ୍ପୃକ୍ତ ଗ୍ରାମକୁ ଅଣୁ ଆବଦ୍ଧାଞ୍ଚଳ ଘୋଷଣା କରିବାକୁ ଉପଜିଲ୍ଲାପାଳ ଅଶୋକକୁମାର ବେହୁରିଆଙ୍କୁ ସୁପାରିଶ କରିଥିଲେ। ଉପଜିଲାପାଳଙ୍କ ସୁପାରିଶ କ୍ରମେ ଆଜି୨୧ ତାରିଖ ସନ୍ଧ୍ୟା ୭ ଟାରୁ ୩୦ ତାରିଖ ରାତି ୯ଟା ପର୍ଯ୍ୟନ୍ତ ସିକୋ ପଞ୍ଚାୟତ ଅନ୍ତର୍ଗତ ଖଡିପଦର ଗ୍ରାମର ସାଧୁ ପରିଡାଙ୍କ ଘର ଠାରୁ ପ୍ରଫୁଲ୍ଲ ରାଉତରାୟ ଙ୍କ ଘର ପର୍ଯ୍ୟନ୍ତ ଏବଂ ସୁବାଷ ରାଉତରାୟ ଙ୍କ ଘର ଠାରୁ ବ୍ରଜ ରାଉତରାୟ ଙ୍କ ଘର ପର୍ଯ୍ୟନ୍ତ୧୧୫ ପରିବାରର ୭୬୦ ଲୋକ ବସବାସ କରୁଥିବା ଅଞ୍ଚଳକୁ ଅଣୁ ଆବଦ୍ଧ।ଞ୍ଚଳ ଘୋଷଣା କରାଯାଇଛି।
ସେହିପରି ମହାବୀର ମନ୍ଦିର ବୋରିଗୁଆଁର ସୁବାଷ ରାଉତରାୟଙ୍କ ଘର ଠାରୁ ବ୍ରଜ ରାଉତରାୟ (ମୌଜା-ଖଡିପଦର)ଙ୍କ ଘର ପର୍ଯ୍ୟନ୍ତ ଅଣୁ ଆବଦ୍ଧ।ଞ୍ଚଳ ଘୋଷଣା କରାଯାଇଛି ।ସେଠାରେ ୮୫ ଟି ପରିବାରର ୪୫୦ ଲୋକ ବସବାସ କରନ୍ତି l ସମ୍ପୃକ୍ତ ଅଞ୍ଚଳକୁ ବାହାର ଲୋକମାନଙ୍କ ପ୍ରବେଶ ଉପରେ କଟକଣା ଲଗାଯାଇଛି ।ସେହି ଅଂଚଳର କୌଣସି ବ୍ୟକ୍ତି ବାହାରକୁ ବାହାରିବା ଉପରେ ମଧ୍ୟ କଟକଣା ଲଗାଯାଇଛି। ଏହି ସମୟ ମଧ୍ୟରେ ସମ୍ପୃକ୍ତ ଅଞ୍ଚଳକୁ ବିଶୋଧନ କରାଯିବା ସହ କରୋନା ସଂକ୍ରମିତ ଙ୍କ ସମ୍ପର୍କରେ ଆସିଥିବା ବ୍ୟକ୍ତିଙ୍କୁ ଚିହ୍ନଟ କରାଯିବ। ଏହି ଆବଦ୍ଧାଞ୍ଚଳରେ ପଂଚାୟତ ନିର୍ବାହୀ ଅଧିକାରୀ ,ବେଗୁନିଆ ଅଗ୍ନିଶମ ବିଭାଗ ଅଧିକାରୀ ,ଗ୍ରାମ୍ୟ ଜଳ ଯୋଗାଣ ବିଭାଗ କନିଷ୍ଠ ଯନ୍ତ୍ରୀ ,ବୋତଳମା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଭାରପ୍ରାପ୍ତ ଅଧିକାରୀ ଏବଂ ଶିଶୁବିକାଶ ପ୍ରକଳ୍ପ ଅଧିକାରୀଙ୍କୁ ସେଠାରେ କାର୍ଯ୍ୟ ସମ୍ପାଦନ କରିବା ପାଇଁ ଉପଜିଲ୍ଲାପାଳ ନିର୍ଦେଶ ଦେଇଛନ୍ତି ।ଗୋଷ୍ଠୀ ଉନ୍ନୟନ ଅଧିକାରୀ ରଶ୍ମିରେଖା ଦାସଙ୍କୁ ସମସ୍ତ କାର୍ଯ୍ୟର ତଦାରଖ ଦାୟିତ୍ୱ ଦିଆଯାଇଛି। ଏହା ପୂର୍ବରୁ ବେଗୁନିଆ ବ୍ଲକର ବେଗୁନିଆ ,ପୋଡାଡିହ ,ବୋତଳମା ,ଦେଉଳି, କୁଂଜୁରୀ ଏବଂ ହୀରାପୁର ପଂଚାୟତର ୮ ଟି ଗ୍ରାମକୁ ଅଣୁ ଆବଦ୍ଧାଞ୍ଚଳ ଭାବେ ଘୋଷଣା କରାଯାଇଥିଲା ।ଆଜିର ଏହି ଘୋଷଣା ପରେ ବେଗୁନିଆ ବ୍ଲକର ବିଭିନ୍ନ ପଂଚାୟତର ୧୦ ଟି ସ୍ଥାନକୁ ଅଣୁ ଆବଦ୍ଧ।ଞ୍ଚଳ ଭାବେ ଘୋଷଣା କରାଗଲା।
