ନୂଆଦିଲ୍ଲୀ : ଏଗାରଟି ରାଜ୍ୟରେ ଲୋକସଭା ସହିତ ବିଧାନସଭା ନିର୍ବାଚନ ଏକାଳୀନ କରିବାକୁ କେନ୍ଦ୍ର ସରକାର ଚଳାଇଥିବା ଯୋଜନା ଉପରେ କଂଗ୍ରେସ ସଭାପତି ରାହୁଲ ଗାନ୍ଧୀ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ସାହସ ଥିଲେ ଲୋକସଭା ଭଙ୍ଗକରି ଚଳିତ ବର୍ଷ ନିର୍ବାଚନ ହେବାକୁ ଥିବା ୪ଟି ରାଜ୍ୟ ସହିତ ଆଗୁଆ ସାଧାରଣ ନିର୍ବାଚନ କରିବାକୁ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆହ୍ୱାନ ଦେଇଛନ୍ତି। ଏଗାରଟି ରାଜ୍ୟର ବିଧାନସଭା ନିର୍ବାଚନକୁ ଅଟକାଇ ୨୦୧୯ରେ ଲୋକସଭା ନିର୍ବାଚନ ସହିତ କରାଇବା ସାମ୍ବିଧାନିକ ଓ ଆଇନଗତ ଦୃଷ୍ଟିରୁ ସମ୍ଭବ ନୁହେଁ। ଦଳର ସାଧାରଣ ସମ୍ପାଦକ ଅଶୋକ ଗେହଲଟ ଏ ପ୍ରସଙ୍ଗରେ କହିଛନ୍ତି ଯେ ମିଜୋରାମ, ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡ଼ ବିଧାନସଭାର ଅବଧି ଚଳିତ ବର୍ଷ ଶେଷ ସୁଦ୍ଧା ଶେଷ ହେଉଛି ଏବଂ ଏହା ପୂର୍ବରୁ ସେଠାରେ ନିର୍ବାଚନ ହେବାର ସାମ୍ବିଧାନିକ ବିଧିବ୍ୟବସ୍ଥା ରହିଛି। ଏହାକୁ କୌଣସିମତେ ଏଡ଼ାଇ ଦିଆଯାଇପାରିବ ନାହିଁ। ଏକକ ନିର୍ବାଚନ ହେଲେ ସମ୍ବିଧାନ ସଂଶୋଧନ ଆବଶ୍ରକ। ସରକାର ଯଦି ଏହି ୪ରାଜ୍ୟ ସହିତ ଆଗୁଆ ସାଧାରଣ ନିର୍ବାଚନ କରାନ୍ତି; ତେବେ କଂଗ୍ରେସ ଏହାକୁ ସ୍ୱାଗତ କରିବ। ଦଳ ଏଥିପାଇଁ ପ୍ରସ୍ତୁତ ଥିବା ଗେହଲଟ କହିଛନ୍ତି। ଲୋକସଭାକୁ ଭାଙ୍ଗି ଆଗୁଆ ନିର୍ବାଚନ କରାିବା ଦେଶ ପାଇଁ ହିତକର ବୋଲି ସେ ମତ ଦେଇଛନ୍ତି। ଗୋଟିଏ ଦେଶ-ଗୋଟିଏ ନିର୍ବାଚନ ପଛରେ ବିଜେପି ମନ୍ଦ ଉଦ୍ଦେଶ୍ୟ ରହିଥିବା ସେ ଅଭିଯୋଗ କରିଛନ୍ତି।
Popular Categories
Previous article
Next article