ଲକ୍ଷ୍ନୌ: ସମ୍ବିଧାନ ପ୍ରଣେତା ବି ଆର ଆମ୍ବେଦକରଙ୍କ ପ୍ରତିମୂର୍ତ୍ତିକୁ ଅନୁସୂଚିତ ଜାତି ବର୍ଗର କିଛି ଓକିଲ କ୍ଷୀର ଓ ଗଙ୍ଗାଜଳରେ ଧୋଇଛନ୍ତି। ଜଣେ ବିଜେପି ନେତା ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବା ପରେ ଓକିଲମାନେ ଏଭଳି ପଦକ୍ଷେପ ନେଇଛନ୍ତି। ଉତ୍ତର ପ୍ରଦେଶର ମିରଟରେ ଘଟିଛି ଏଭଳି ଘଟଣା।
ଜିଲାକୋର୍ଟ ନିକଟରେ ଥିବା ଆମ୍ବେଦକରଙ୍କ ପ୍ରତିମୂର୍ତ୍ତିରେ ରାଜ୍ୟ ବିଜେପି ସଚିବ ସୁନିଲ୍ ବଂଶାଲ୍ ଗତ ଶୁକ୍ରବାର ମାଲ୍ୟାର୍ପଣ କରିଥିଲେ। ଏହାପରେ ଅନୁସୂଚିତ ଜାତି ବର୍ଗର ଓକିଲମାନେ ପ୍ରତିମୂର୍ତ୍ତିକୁ ସଫା କରି ପବିତ୍ର କରିଛନ୍ତି। ଏ ସମ୍ପର୍କରେ ଜଣେ ଓକିଲ କହିଛନ୍ତି ଯେ ବିଜେପି ଅନୁସୂଚିତ ଜାତି ବିରୋଧୀ। ତେଣୁ ଆମ୍ବେଦକରଙ୍କ ପ୍ରତି ସେମାନଙ୍କ ସମ୍ମାନ ନାହିଁ। କେବଳ ଭୋଟ ରାଜନୀତି ପାଇଁ ବିଜେପି ଆମ୍ବେଦକରଙ୍କ ନାମକୁ ବ୍ୟବହାର କରୁଛି।
ଏହି ଘଟଣା ଦେଶରେ ପ୍ରଥମ ନୁହେଁ। ଏହା ପୂର୍ବରୁ ମଧ୍ୟ ବୁନ୍ଦେଲ୍ଖଣ୍ଡରେ ଜଣେ ବିଜେପି ନେତା ମନିଶା ଅନୁରାଗୀଙ୍କ ମନ୍ଦିର ପ୍ରବେଶ ପରେ ସେହି ମନ୍ଦିର ଓ ପ୍ରତିମାକୁ ଗଙ୍ଗାଜଳରେ ପବିତ୍ର କରାଯାଇଥିଲା।
