ରାୟଗଡା : ଗୁଣୁପୁର ବ୍ଲକ ଶିରିଝୋଲି ଗ୍ରାମରେ ଥିବା ସରକାରୀ ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷୟିତ୍ରୀଙ୍କ ବଦଳି ପ୍ରତିବାଦରେ ଗ୍ରାମବାସୀମାନେ ଉତ୍ତ୍ୟକ୍ତ ହୋଇ ବିଦ୍ୟାଳୟ ଫାଟକରେ ତାଲା ପକାଇ ଦେଇଥିବା ଦେଖିବାକୁ ମିଳିଛି । ସୂଚନା ଅନୁଯାୟୀ ଏହି ବିଦ୍ୟାଳୟରେ କାର୍ଯ୍ୟରତ ପ୍ରଧାନ ଶିକ୍ଷୟିତ୍ରୀଙ୍କୁ ଜଗନାଥପୁର ବଦଳି କରାଯାଇଥିବାବେଳେ ଜଗନ୍ନାଥପୁର ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀଙ୍କୁ ଶିରିଝୋଲି ବିଦ୍ୟାଳୟକୁ ବଦଳି କରାଯାଇଛି । ଏହାକୁ ବିଦ୍ୟାଳୟ କମିଟି, ଅଭିଭାବକ ଓ ମହିଳା ସଂଘ ତୀବ୍ର ବିରୋଧ କରି ଆଜି ବିଦ୍ୟାଳୟ ଫାଟକ ରେ ତାଲା ପକାଇ ଦେଇଥିଲେ । ବର୍ତ୍ତମାନ ଏହି ବିଦ୍ୟାଳୟ କର୍ମଚାରୀଙ୍କୁ ଏବଂ କୌଣସି ଶିକ୍ଷକ ଶିକ୍ଷୟିତ୍ରୀଙ୍କୁ ବିଦ୍ୟାଳୟରେ ପ୍ରବେଶ ଅନୁମତି ଦିଆଯିବ ନାହିଁ ବୋଲି କହିଛନ୍ତି । ଏନେଇ ଗୁଣୁପୁର ବ୍ଲକ ଶିକ୍ଷା ଅଧିକାରୀଙ୍କୁ ଅବଗତ କରାଇବା ରୁ ଏହି ବଦଳି ସାମୟିକ ସମୟ ପାଇଁ କରାଯାଇଛି । ଯଦି ଗ୍ରାମବାସୀ ବିରୋଧ କରୁଛନ୍ତି ଆଲୋଚନା ମାଧ୍ୟମରେ ସମାଧାନ କରାଯିବ ବୋଲି କହିଛନ୍ତି । ଏହି ବିଦ୍ୟାଳୟ ପ୍ରଥମ ରୁ ଦଶମ ଶ୍ରେଣୀ ଯାଏ ରହିଥିବା ବେଳେ ୧୦ ଜଣ ଶିକ୍ଷକ ଶିକ୍ଷୟିତ୍ରୀ, ୧୩୩ ଜଣ ଛାତ୍ରଛାତ୍ରୀଙ୍କୁ ପାଠ ପଢ଼ାଉଛନ୍ତି ।
Popular Categories
Previous article
Next article