କାଲିମେଳା: ମାଲକାନଗିରି ଜିଲା କାଲିମେଳା ବ୍ଲକ ଅନ୍ତର୍ଗତ ଟିଗଲ ପଞ୍ଚାୟତର ଏମଭି-୭୮ ଗ୍ରାମ ପୋଖରୀରୁ ଏକ ୬ ଫୁଟ ଲମ୍ବର ଗୋମୁହାଁ କୁମ୍ଭୀର ଉଦ୍ଧାର କରାଯାଇଛିା ଏହି କୁମ୍ଭୀରଟି ୨ ବର୍ଷ ତଳେ ସ୍ଥାନୀୟ ନଦୀରୁ ଏମଭି-୭୮ ଗ୍ରାମ ମୁଣ୍ଡରେ ଥିବା ବଡ ପୋଖରୀ ଭିତରକୁ ପସି ଆସିଥିଲା। ଗ୍ରାମବାସୀ ଏହା ଜାଣିବା ପରେ ବନ ବିଭାଗକୁ ଖବର ଦେଇଥିଲେ। ବନ ବିଭାଗ ଏହାକୁ ଧରି ନପାରି ଗ୍ରାମବାସୀ ମାନଙ୍କୁ ଧରିବାକୁ କହିଥିଲେ। ତେବେ କୁମ୍ଭୀରଟି ପୋଖରୀରେ ଥିବା ମାଛ ଖାଇଯାଉଥିବା ବେଳେ ଗ୍ରାମବାସୀ ମାନେ ଗାଧୋଇବାକୁ ଗଲା ବେଳେ ପୋଖରୀ କୁଳକୁ ଚାଲିଆସୁଥିଲା। ଫଳରେ ଗ୍ରାମବାସୀ ମାନେ ଭୟଭୀତ ଅବସ୍ଥାରେ ରହିଆସୁଥିଲେ। ପ୍ରତିଦିନ କୁମ୍ଭୀର ଉତ୍ପାତ ବଢିବାରୁ ଏହାକୁ ଧରିବାକୁ ଗ୍ରାମବାସୀମାନେ ଜାଲ ବିଛାଇଥିଲେ। ପରେ ଆଜି ସକାଳ ୬ଟା ସମୟରେ ଗ୍ରାମର ଆନନ୍ଦ ହାଲଦାର, ଉତୋମ ଯୋଦାର, ଅପୁର୍ବ ମଣ୍ଡଳ, ଉତୋମ ବିଶ୍ୱାସ, ଅସିମ ଯୋଦାର କୁମ୍ଭୀରକୁ କାବୁ କରିଥିଲେ। ପରେ ବନ ବିଭାଗର ଅଧୀକାରୀମାନେ ପହଞ୍ଚି କୁମ୍ଭୀରକୁ ଉଦ୍ଧାର କରିଥିବା ଜଣାପଡିଛିା ଏଥିସହ ପୋଖରୀରେ ଆଉ ଗୋଟିଏ କୁମ୍ଭୀର ରହିଥିବା ଗ୍ରାମବାସୀମାନେ କହିଛନ୍ତି। କୁମ୍ଭୀରକୁ ଦେଖିବାକୁ ଆଖପାଖ ଗାଁର ବହୁ ଲୋକ ଜମା ହୋଇଥିଲେ।
Popular Categories
Previous article
Next article