ଶୁଭ ମକର ସଂକ୍ରାନ୍ତି : ଏହି ବିଶେଷ ଦିଗ ପ୍ରତି ଦିଅନ୍ତୁ ଧ୍ୟାନ

ଆଜି ସାରା ଦେଶରେ ପାଳନ କରାଯାଉଛି ଶୁଭ ମକର ସଂକ୍ରାନ୍ତି। ଆଜି ଏହି ଦିନରେ ସୂର୍ଯ୍ୟଦେବତାଙ୍କ ବିଶେଷ ପୂଜାର୍ଚ୍ଚନା କରାଯାଇଥାଏ। ଏହିଦିନ ପବିତ୍ର ନଦୀରେ ସ୍ନାନ କରିବା ଦ୍ୱାରା ଖୁବ ପୁଣ୍ୟଫଳ ମିଳିଥାଏ। ସମସ୍ତ ମନସ୍କାମନା ପୂରଣ ହୋଇଥାଏ। ଆଜିର ଦିନରେ ସୂର୍ଯ୍ୟଦେବ ମକର ରାଶିରେ ପ୍ରବେଶ କରିଥାଆନ୍ତି। ଆଜିର ଦିନରେ କିଛି ବିଶେଷ ଦିଗ ପ୍ରତି ଧ୍ୟାନ ଦେବା ନିତ୍ୟାନ୍ତ ଆବଶ୍ୟକ। ଜାଣନ୍ତୁ…….
ମକର ସଂକ୍ରାନ୍ତି ଦିନ ଯଦି ଆପଣଙ୍କୁ ଘରକୁ କେହି ସାଧୁ, ଅସହାୟ ବ୍ୟକ୍ତି ଆସୁଛନ୍ତି। ତେବେ ତାଙ୍କୁ ଖାଲି ହାତରେ ଫେରାନ୍ତୁ ନାହିଁ। ନିଜ ସକ୍ଷମ ଅନୁଯାୟୀ ଖାଦ୍ୟ ଓ କିଛି ଜିନିଷ ଦାନ ଦିଅନ୍ତୁ। ଆଜିର ଦିନରେ ଦାନର ଖୁବ ମହତ୍ତ୍ୱ ରହିଛି। ରାଶିର ଯେକୌଣସି ଜିନିଷ ଦାନ ଦେବା ଖୁବ ଶୁଭ ବୋଲି କୁହାଯାଏ।
ଅଧିକାଂଶ ଲୋକଙ୍କ ଅଭ୍ୟାସ ସକାଳୁ ଉଠିବା ପରେ ବିଛଣାରେ ହିଁ ଚା’ ପିଅନ୍ତି। ମାତ୍ର ଆଜି ଏଭଳି କରନ୍ତୁ ନାହିଁ, ସ୍ନାନ ପରେ ହିଁ ଚା’ ପିଅନ୍ତୁ।
ଆଜି ରସୁଣ, ପିଆଜ, ଆମିଷର ସେବନ କରନ୍ତୁ ନାହିଁ। ମଧୁର ବଚନ କୁହନ୍ତୁ। କ୍ରୋଧ ମଧ୍ୟ କରନ୍ତୁ ନାହିଁ।
କୌଣସି ବୃକ୍ଷଲତାର କ୍ଷତି କରନ୍ତୁ ନାହିଁ।
ଆଜି ମୁଗଡ଼ାଲି ଖେଚେଡି ପ୍ରସ୍ତୁତ କରି ଖାଆନ୍ତୁ। ମଦ୍ୟପାନ କରନ୍ତୁ ନାହିଁ।
ସୂର୍ଯ୍ୟଅସ୍ତ ପରେ ଅନ୍ନ ସେବନ କରନ୍ତୁ ନାହିଁ।