ବଲାଙ୍ଗିର : ଶୀତରେ ଥରୁଛି ସାରା ଓଡିଶା। ସେହିପରି ବଲାଙ୍ଗିର ଜିଲାରେ ଗତ କିଛି ଦିନ ହେଲା ଶୀତ ଲହରୀ ଦେଖିବାକୁ ମିଳିଛି। ଥଣ୍ଡା ପବନ ଅଥୟ କରୁଛି ଲୋକଙ୍କୁ। କେବଳ ସହର ନୁହେଁ, ଶୀତର ପ୍ରକୋପରେ ଗ୍ରାମାଞ୍ଚଳର ଜୀବନ ବେଶ ପ୍ରଭାବିତ ହେଉଛି। ଖରା ଦିନେ ଖରା ଭଳି ଶୀତ ଦିନର ଅସ୍ତବ୍ୟସ୍ତ କରିପକାଉଛି ଲୋକଙ୍କୁ। ନଥିବା ଲୋକଙ୍କୁ ଶୀତ କଲବଲ କରୁଥିବା ବେଳେ ଏବେ ସହୃଦବାନ ଲୋକେ କମ୍ବଳ ବଣ୍ଟନ ପ୍ରକ୍ରିୟା ଆରମ୍ଭ କରିଛନ୍ତି। ଦେଓଗାଁ ବ୍ଲକର ଉଡାର ପଞ୍ଚାୟତର ବିଭିନ୍ନ ଗାଁରେ ପୂର୍ବତନ ବିଡିସିସି ବ୍ୟାଙ୍କ ସଭାପତି ଲକ୍ଷ୍ମଣ ମେହେର ସାଥୀ ସହଯୋଗୀଙ୍କ ସହ ଗାଁ ଲୋକଙ୍କୁ କମ୍ବଳ ବଣ୍ଟନ କରିଛନ୍ତି। ସେହିପରି ରାତିରେ ଶୀତ ଲହର ବେଶୀ ଅନୁଭୂତ ହେଉଛି। ପାଣିପାଗ ବିଭାଗର ଆକଳନ ଅନୁସାରେ ବଲାଙ୍ଗିର ସହରରେ ତାପମାତ୍ରା ସର୍ବନିମ୍ନ ୮.୮ ରେକର୍ଡ କରାଯାଇଥିବା ବେଳେ ତତଲାଗଡ଼ ଟିଟିଲାଗଡରେ ସର୍ବନିମ୍ନ ପାରଦ ୯ ଡିଗ୍ରୀରେ ରହିଥିବା ଜଣାପଡିଛି। ବଲାଙ୍ଗିର ସହରରେ ଯୁବକମାନେ ରାତିରେ କୁଟା, କାଠି ଜାଳି ଉଷୁମ ହେଉଥିବା ଦେଖିବାକୁ ମିଳିଛି। କେବଳ ରାତିରେ ନୁହେଁ, ଭୋରରେ ଏ ଦୃଶ୍ୟ ସାଧାରଣ କଥା ପାଲଟିଛି। ବିଶେଷ କରି ବୟସ୍କ ଲୋକଙ୍କ ପାଇଁ ଶୀତ କଷ୍ଟଦାୟକ ହେଉଛି।
Comments are closed.