ଜି.ଉଦୟଗିରି : ସ୍ଥାନୀୟ ଗଉଡ ସାହି ସ୍ଥିତ ଭଡାଘରେ ଜି ଉଦୟଗିରି ଥାନାରେ କାର୍ଯ୍ୟରତ ହୋମଗାର୍ଡର ଗଳିତ ଶବକୁ ଜି.ଉଦୟଗିରି ପୁଲିସ ଉଦ୍ଧାର କରିଥିବା ଜଣାପଡିଛି। ବିବରଣୀରୁ ପ୍ରକାଶଯେ ହୋମଗାର୍ଡ ସିମାଞ୍ଚଳ ମାହାନ୍ତି ୩୯ ବର୍ଷ କୌଣସି ଦୁର୍ଘଟଣାରୁ ନିଜ ଗୋଡ ଭାଙ୍ଗିଯାଇଥିବାବେଳେ ଗୋଡରେ ରଡ ଦିଆଯାଇଥିବାରୁ ସିମାଞ୍ଚଳ ଭୀଷଣ ଯନ୍ତ୍ରଣା ପାଉଥିଲେ। ତାଙ୍କର ପ୍ରାୟ ୭ ବର୍ଷର କନ୍ୟା ସନ୍ତାନଟିଏ ଥିବା ଜଣାପଡିଛି।
ଅପରପକ୍ଷେ ଆଜକୁ ଦୀର୍ଘ ୭ ରୁ ୮ ବର୍ଷ ହେବ ତାଙ୍କର ଧର୍ମପତ୍ନୀ ତାଙ୍କୁ ଛାଡି ପଳାଇ ଯାଇଥିବା କାରଣରୁ ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ଗତ ତିନି ଦିନ ପୂର୍ବରୁ ସିମାଞ୍ଚଳକୁ ସାହି ଲୋକ ଦେଖିନଥିବା କହିଥିଲେ। ତେବେ ପ୍ରାଥମିକ ତଦନ୍ତରେ ତିନି ଦିନ ତଳୁ ସେ ତାଙ୍କର ଏକ ଭଡାଘରେ ବେକରେ ଗାମୁଛା ଲଗାଇ ଆତ୍ମହତ୍ୟା କରିଥିବା ଜଣାପଡିଛି। ପୁଲିସ ଶବକୁ ଜବତ କରିବା ସହ ବ୍ୟବଛେଦ ପରେ ତାର ଭାଇକୁ ଶବ ହସ୍ତାନ୍ତର କରିଥିବା ବେଳ ଏହି ଘଯଣାର ତଦନ୍ତ ଦାୟିତ୍ବ ଏସ ଆଇ ବିଭୂତି ଭୂଷଣ ମୂଦୁଲୀଙ୍କୁ ଦିଆଯାଇଥିବା ଥାନା ଅଧିକାରୀ ନରେଶ କୁମାର ସାହୁ ସୂଚନା ଦେଇଛନ୍ତି।
