ଭୁବନେଶ୍ୱର : ମାନସିକ ନଡ଼ିଆ ପଛରେ ଥାଏ ଆଶା, ଭରସା, ସୁଖ ଆଉ ଦୁଃଖର କାହାଣୀ। ସାଧାରଣ ମଣିଷଟିଏ ମାନସିକ ପୂରଣ ପାଇଁ ନଡ଼ିଆରାଣୀ ମା’ ତାରିଣୀଙ୍କୁ ନଡ଼ିଆ ଦେଇଥାଏ। ତାଲାବନ୍ଦ ସମୟରେ ବିଭିନ୍ନ ସ୍ଥାନରେ ପଡ଼ି ରହିଥିବା ମାନସିକ ନଡ଼ିଆକୁ ଘଟଗାଁ ପଠାଇଛନ୍ତି ଚଳଚ୍ଚିତ୍ର ଅଭିନେତା ସବ୍ୟସାଚୀ ମିଶ୍ର। ୪ ସହରରୁ ସଂଗୃହୀତ ୩୦୦ ବସ୍ତାରେ ପ୍ରାୟ ୩୫,୦୦୦ ନଡ଼ିଆକୁ ଦୁଇଟି ମିନିଟ୍ରକ୍ରେ ମା’ ତାରିଣୀଙ୍କ ନିକଟକୁ ସେ ପଠାଇଛନ୍ତି। ତାଙ୍କର ଏଭଳି ପ୍ରୟାସ ସାମାଜିକ ଗଣମାଧ୍ୟମରେ ଚର୍ଚ୍ଚାର ବିଷୟ ପାଲଟିଛି।
More than 8 months,Lockdown has prevented the devotees' offerings frm reaching the Lord. One can find such coconuts lying abandoned like mountains @ street corners/bus stops. It not only compromises devotes' emotions bt also hampers the beauty & aesthetics of a city/village (1/3) pic.twitter.com/lcwhVI4dTw
— SABYASACHI MISHRA ?? (@sabyaactor) November 30, 2020
ତାଲାବନ୍ଦ ଆରମ୍ଭରୁ ବସ୍ ଚଳାଚଳ ବନ୍ଦ ପରେ ଏହି ସବୁ ନଡ଼ିଆ ଗଦା ହୋଇ ରହିଥିଲା। ବସ୍ ଚାଲିଲା ପରେ ମଧ୍ୟ କରୋନା ଭୟ ଯୋଗୁଁ ଏହାକୁ କୌଣସି ବସ୍ କର୍ମଚାରୀ ନେଉନଥିଲେ। ନଡ଼ିଆ ଗଦା ହୋଇ ରହିବା ଯୋଗୁଁ ସୌନ୍ଦର୍ଯ୍ୟ ମଧ୍ୟ ନଷ୍ଟ ହେଉଥିଲା। ଆଉ କିଛି ପଚିଯିବା ସହିତ କିଛି ନଡ଼ିଆ ଗଜା ହୋଇ ଗଛ ହୋଇଯାଇଥିଲା। ଅନେକ ବୁଲା ଗାଈଗୋରୁ ବା କୁକୁର ଦ୍ୱାରା ରାସ୍ତା ଉପରକୁ ଗଡ଼ି ଆସୁଥିଲା। ଏହାଦ୍ୱାରା ଦୁର୍ଘଟଣା ମଧ୍ୟ ଘଟୁଥିଲା।
I feel extremely happy that I could accomplish this mission on the auspicious occasion of Kartik Purnima. HAPPY KARTIKA PURNIMA (3/3) pic.twitter.com/qGq7f9VyKc
— SABYASACHI MISHRA (@sabyaactor) November 30, 2020
ଏସବୁକୁ ଦୃଷ୍ଟିରେ ରଖି କରୋନା ଯୋଦ୍ଧା ସାଜିଥିବା ସବ୍ୟସାଚୀ ମାନସିକ ନଡ଼ିଆକୁ ମା’ଙ୍କ ନିକଟକୁ ପଠାଇଛନ୍ତି। ରାଜଧାନୀର ବରମୁଣ୍ଡା, ଫାୟାର ଷ୍ଟେସନ ଛକ, ଆଚାର୍ଯ୍ୟବିହାର ଓ ବାଣୀବିହାର, ରସୁଲଗଡ଼, କଟକର ଅନେକ ଛକ ସହିତ ଚଣ୍ଡିଖୋଲ ଏବଂ ପାଣିକୋଇଲି ଆଦି ସ୍ଥାନରୁ ପାଖାପାଖି ୩୫୦୦୦ ନଡ଼ିଆକୁ ୩୦୦ ବସ୍ତା କରି ସେ ଦୁଇଟି ଟ୍ରକ୍ରେ ପଠାଇଛନ୍ତି। ଏହାକୁ ନେଇ ସବ୍ୟସାଚୀ ଖୁସି ଅନୁଭବ କରିଛନ୍ତି। ଏଭଳି ନଡ଼ିଆ ପଠାଇ ଅନ୍ୟମାନଙ୍କ ଆବେଗ ବୁଝିଥିବା ସେ କହିଛନ୍ତି।
