ପଦ୍ମପୁର : ପଦ୍ମପୁର ଉପ ଖଣ୍ତରେ ପ୍ରବାହିତ ହେଉଥିବା ଅଂଗନଦୀରୁ ଗୁଣ୍ତିଚାଡିହି ରାସ୍ତା ଦେଇ ଛତିଶଗଡ ବେଆଇନ ଭାବରେ ବାଲି ଚୋରା ଚାଲାଣ ହେଉଥିବା ଯୋଗୁଁ ସରକାରଙ୍କ ବିପୁଳ ପରିମାଣର ରାଜସ୍ବ କ୍ଷତି ହେଉଥିଲା ।ତେଣୁ ପଦ୍ମପୁର ଉପଖଣ୍ତ ପୁଲିସ ଅଧିକାରୀ ପ୍ରଦୀପ ସାହୁଂକ ପ୍ରତ୍ୟକ୍ଷ ତତ୍ତ୍ବାବଧାନରେ ଜଗଦଳପୁର ଥାନା ଅଧିକାରୀ ଲିଲିମା ଲଲିତା ବାର୍ଲା, ଏ ଏସ ଆଇ ସତ୍ୟାନନ୍ଦ ଭୋଏ, ହବିଲଦାର ଜିତେନ୍ଦ୍ରିୟ ଦାଶ ଓ ଅନ୍ୟ ସହକର୍ମୀ ଛତିଶଗଡ ରାଜ୍ୟର ୮ଟି ଟ୍ରାକ୍ଟର ଓ ଓଡିଶାର ଗୋଟିଏ ବାଲି ବୋଝେଇ ଟ୍ରାକ୍ଟରକୁ ଜବତ କରିଥିଲେ ।ପୁଲିସ ଅଧିକାରୀଙ୍କ ସୂଚନା କ୍ରମେ ଓ ପଦ୍ମପୁର ଅତିରିକ୍ତ ତହସିଲଦାର ସରୀତା ଗୁପ୍ତାଂକ ନିର୍ଦ୍ଦେଶରେ ଲଖମରା ରାଜସ୍ବ ନିରୀକ୍ଷକ ଦାମୋଦର ସୁନା ଟ୍ରାକ୍ଟର ପ୍ରତି ୧୫ ହଜାର ଟଂକା ଜୋରିମାନା ଆଦାୟ କରିଛନ୍ତି। ଟ୍ରାକ୍ଟରଗୁଡିକର ସମସ୍ତ କାଗଜପତ୍ର ବରଗଡ ଆରଟିଓ ଆସି ତଦନ୍ତ କରୁଛନ୍ତି ।
Comments are closed.