ଝୁମ୍ପୁରା : ଝୁମ୍ପୁରା ପଞ୍ଚାୟତ ଶ୍ରୀରାମପୁର ଗ୍ରାମରେ ରହିଥିବା ବନ୍ଧରେ ଶୁକ୍ରବାର ଦିନ ଅପରାହ୍ନରେ ଜଣେ ଯୁବକର ମୃତଦେହ ଭାସୁଥିବା ଗ୍ରାମବାସୀ ଦେଖିବାକୁ ପାଇଥିଲେ। ଗ୍ରାମବାସୀ ଏ ସମ୍ପର୍କରେ ଝୁମ୍ପୁରା ଥାନାକୁ ଖବର ଦେଇଥିଲେ। ଝୁମ୍ପୁରା ପୁଲିସ ଗ୍ରାମବାସୀଙ୍କ ଠାରୁ ଖବର ପାଇଁ ଘଟଣାସ୍ଥଳରେ ପହଞ୍ଚି ବନ୍ଧରେ ଭାଷୁଥିବା ଶବକୁ କୂଳକୁ ଆଣିଥିଲେ। ବନ୍ଧରେ ଭାଷୁଥିବା ମୃତ ଯୁବକର ଘର ଅର୍ଶଳା ଗ୍ରାମରେ ଏବଂ ତାଙ୍କ ନାମ ଜଗଦିଶ ଦାସ (୪୦) ବୋଲି ପୁଲିସକୁ ସୂଚନା ମିଳିଥିଲା। ଶବ ଚିହ୍ନଟ ହେବା ପରେ ପୁଲିସ ମୃତ ଯୁବକଙ୍କ ପରିବାରକୁ ଖବର ଦେଇଥିଲେ। ମୃତ ଯୁବକଙ୍କ ପରିବାର ଘଟଣାସ୍ଥଳରେ ପହଞ୍ଚିବା ପରେ ଶବ ଚିହ୍ନଟ ହୋଇଥିଲା। ପରିବାର ଲୋକଠାରୁ ସୂଚନା ମିଳିଛି ଯେ, ଜଗଦିଶ ୧୯ ତାରିଖ ଦିନ ଝୁମ୍ପୁରା ଆସିଥିଲେ କିନ୍ତୁ ସେ ସନ୍ଧ୍ୟା ପର୍ଯ୍ୟନ୍ତ ଘରକୁ ଫେରିନଥିଲେ। ପରିବାର ଲୋକ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲେ ମଧ୍ୟ ତାର ସନ୍ଧାନ ପାଇ ପାରି ନଥିଲେ । ୨୦ ତାରିଖ ଦିନ ତାର ମୃତ ଦେହ ଶ୍ରୀରାମପୁର ବନ୍ଧରୁ ଉଦ୍ଧାର କରାଯାଇଛି। ଝୁମ୍ପୁରା ପୁଲିସ ଏକ ମାମଲା ରାଜ୍ଜୁ କରିବା ପରେ ଶବ ବ୍ୟବଚ୍ଛେଦ କରିବା ପାଇଁ ଚମ୍ପୁଆ ଉପଖଣ୍ଡ ଡାକ୍ତରଖାନାକୁ ପଠାଇଥିବା ଜଣାଯାଇଛି।
Popular Categories
Previous article
Next article