ଦୁବାଇ : ଦିଲ୍ଲୀ କ୍ୟାପିଟାଲ୍ସ ଦଳର ଅଧିନାୟକ ଶ୍ରେୟାସ ଆୟରଙ୍କ କାନ୍ଧରେ ଲାଗିଥିବା ଆଘାତ କେତେ ଗୁରୁତର ତାହା ସ୍କାନ୍ ରିପୋର୍ଟ ଆସିବା ପରେ ସ୍ପଷ୍ଟ ହୋଇଯିବ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି ଏହି ଦଳର ବରିଷ୍ଠ ଓପନର୍ ଶିଖର ଧାୱନ୍।
ବୁଧବାର ଦିଲ୍ଲୀ କ୍ୟାପିଟାଲ୍ସ ଓ ରାଜସ୍ଥାନ ରୟାଲ୍ସ ମଧ୍ୟରେ ମ୍ୟାଚ୍ ଖେଳାଯାଇଥିଲା। ଏହି ମ୍ୟାଚ୍ରେ ଦିଲ୍ଲୀ କ୍ୟାପିଟାଲ୍ସ ଦଳ ୧୩ ରନ୍ରେ ବିଜୟୀ ହୋଇଥିଲା। ତେବେ ଫିଲଡିଂ କରୁଥିବା ବେଳେ ଆୟରଙ୍କ କାନ୍ଧରେ ଆଘାତ ଲାଗିଥିଲା ଏବଂ ସେ ପଡ଼ିଆ ଛାଡ଼ି ଚାଲି ଯାଇଥିଲେ। ତାଙ୍କ ସ୍ଥାନରେ ଶିଖର ଧାୱନ୍ ଦଳର ନେତୃତ୍ବ ନେଇଥିଲେ। ମ୍ୟାଚ୍ ଶେଷ ହେବା ପରେ ନିଜ ପ୍ରତିକ୍ରିୟାରେ ଧାୱନ୍ କହିଥିଲେ ଆୟରଙ୍କ କାନ୍ଧରେ ପ୍ରବଳ ଯନ୍ତ୍ରଣା ହେବାରୁ ସେ ପଡ଼ିଆ ଛାଡ଼ି ଚାଲି ଯାଇଥିଲେ। ତେବେ ସେ କାନ୍ଧରେ ଲାଗିଥିବା ଆଘାତ ଗୁରୁତର କି ନୁହେଁ ତାହା ପରୀକ୍ଷା ରିପୋର୍ଟ ଆସିବା ପରେ ଜଣାପଡ଼ିବ।
ରାଜସ୍ଥାନ ରୟାଲ୍ସ ଦଳକୁ ପରାସ୍ତ କରିବା ସଂପର୍କରେ ମତ ଦେଇ ଧାୱନ୍ କହିଥିଲେ ଦଳଗତ ଉଦ୍ୟମ ଯୋଗୁଁ ଏହା ସମ୍ଭବପର ହୋଇପାରିଲା। ରାଜସ୍ଥାନ ଦଳର ପ୍ରାରମ୍ଭିକ ବ୍ୟାଟସମ୍ୟାନ୍ଙ୍କୁ ଆଉଟ୍ କରିପାରିଲେ ଦିଲ୍ଲୀ ବିଜୟୀ ହେବ ବୋଲି ସେ ଜାଣିଥିଲେ। ସେହିପରି ଦିଲ୍ଲୀ ଦଳର ଦୁଇ ଦ୍ରୁତ ବୋଲର କାଗିସୋ ରାବାଡା ଓ ଆନରିଚ୍ ନୋର୍ଜେଙ୍କୁ ଧାୱନ୍ ଉଚ୍ଚପ୍ରଶଂସା କରିଛନ୍ତି। ସେହିପରି ବୋଲର ତୁଷାର ଦେଶପାଣ୍ଡେଙ୍କୁ ମଧ୍ୟ ଧାୱନ୍ ପ୍ରଶଂସା କରିଛନ୍ତି। ଦେଶପାଣ୍ଡେ ଉପଯୁକ୍ତ ଲାଇନ୍ ଲେନ୍ଥରେ ବୋଲିଂ କରିଥିଲେ ଏବଂ ସେ ଜଣେ ସାହସୀ ବୋଲର ବୋଲି ନିଜକୁ ପ୍ରମାଣିତ କରିଥିବା ଧାୱନ୍ ମତ ଦେଇଛନ୍ତି।
ରିପୋର୍ଟ ଆସିଲେ ଆୟରଙ୍କ ଆଘାତ ସଂପର୍କରେ ଜଣାପଡ଼ିବ : ଧାୱନ୍
Popular Categories
Previous article
Next article