ପାଟଣା : ପାଟଣା ବ୍ଲକ ଅଞ୍ଚଳରେ ୨୦୨୦-୨୧ ଆର୍ଥିକ ବର୍ଷରେ କେବଳ ମନରେଗା ଯୋଜନାରେ ବ୍ଲକ ଓ ଅନ୍ୟ ଲାଇନ ଡିପାର୍ଟମେଣ୍ଟ ଜରିଆରେ ୪୭ କୋଟି ଟଙ୍କାରୁ ଅଧିକ ଅର୍ଥ ଖର୍ଚ୍ଚ କରାଯିବାକୁ ଥିବା ବେଳେ ଅଦ୍ୟାବଧି ୧୪ କୋଟି ଟଙ୍କାରୁ ଅଧିକ ଅର୍ଥ ଖର୍ଚ୍ଚ ସରିଲାଣି । ତେବେ ଯୋଜନାରେ କେତେ ସ୍ଵଚ୍ଛତାର ସହ କାର୍ଯ୍ୟ ହେଉଛି ତାହା ଅନୁଧ୍ୟାନ ସାପେକ୍ଷ ହୋଇପଡ଼ିଛି । ପାଟଣା ବ୍ଲକ ଅନ୍ତର୍ଗତ ଖିରେଇଟାଙ୍ଗିରୀ ପଞ୍ଚାୟତ ୪୯ ନଂ ଜାତୀୟ ରାଜପଥ ନିକଟରୁ ବାଘିଆଟାଙ୍ଗର ଯାଏଁ ଏହି ଯୋଜନାରେ ରାସ୍ତାର ଉନ୍ନତିକରଣ କରାଯାଉଛି । କାମ ଆରମ୍ଭ ପୂର୍ବରୁ ଫଳକ ନିର୍ମାଣ ହୋଇଛି ସତ ଏଠାରେ ସୂଚନା ଫଳକରେ କିଛି ଲେଖା ହୋଇ ନଥିବାରୁ କାମଟି କେତେ ଟଙ୍କା ବ୍ୟୟରେ ହେଉଛି ଓ କେଉଁ ପ୍ରକାର କାମ ହେଉଛି ତାହା ସାଧାରଣ ଲୋକେ ଜାଣି ପାରୁନାହାନ୍ତି । ରାସ୍ତାର ଅଳ୍ପ କିଛି ଅଂଶରେ କେବଳ ମାଟି ମୋରମ ଟ୍ରାକ୍ଟରରେ ନିଆଯାଇ ବିଞ୍ଚି ଦିଆ ଯାଇଛି । ଯାହା ଫଳରେ ବାଇକ୍ ରେ ଓ ସାଇକେଲରେ ଏହି ରାସ୍ତାରେ ଯିବା ମଧ୍ୟ ବିପଦପୂର୍ଣ୍ଣ ମନେ ହେଉଛି । ଏହି କାମରେ ସ୍ଵଚ୍ଛତା ଅଛିକି ନାହିଁ ତାହାର ତଦନ୍ତ ପାଇ କିଛି ଲୋକେ ଦାବି ଜଣାଇଛନ୍ତି । ଅନ୍ୟପକ୍ଷରେ ଏକାଧିକ ସ୍ଥାନରେ ଉନ୍ନୟନ କାମ ଚାଲିଥିବା ବେଳେ କାମ ଆରମ୍ଭ ସମୟରେ ସୂଚନା ଫଳକ ରହୁନଥିବା ଓ ସାଧାରଣ ଲୋକଙ୍କୁ ଅନ୍ଧାରରେ ରଖାଯିବା ପଛରେ କିପ୍ରକାର ଉଦ୍ଦେଶ୍ୟ ରହିଛି ଜିଲ୍ଲା ପ୍ରଶାସନ ଏହାର ତଦନ୍ତ କରାଯିବାକୁ ସାଧାରଣରେ ମତ ପ୍ରକାଶ ପାଇଛି।
Popular Categories
Previous article
Next article