ୱେବ୍ ସିରିଜ୍ ସହ ପ୍ରଶଂସକଙ୍କୁ ହାତଗଣତି ହିଟ୍ ଚଳଚ୍ଚିତ୍ର ଭେଟି ଦେଇଛନ୍ତି ଅଭିନେତ୍ରୀ ଭୂମି ପେଦନକର୍। ୩୧ ବର୍ଷୀୟା ଭୂମି ୨୦୧୫ରେ କ୍ୟାରିୟର ଆରମ୍ଭ କରିଥିଲେ। ପ୍ରଥମେ ୟଶ୍ରାଜ୍ ଫିଲ୍ମସ୍ରେ ସେ ସହଯୋଗୀ ଭାବେ କାମ ଆରମ୍ଭ କଲେ। ତାଙ୍କ କାମ ଦକ୍ଷତା ଦେଖି ପରବର୍ତ୍ତୀ ସମୟରେ ତାଙ୍କୁ ‘ଦମ୍ ଲଗାକେ ହୈସା’ରେ ମୁଖ୍ୟ ଭୂମିକା ମିଳିଥିଲା। ଭୂମିଙ୍କ ଦମ୍ଦାର୍ ଅଭିନୟ ହିଁ ତାଙ୍କୁ ଲୋକପ୍ରିୟ କରାଇଥିଲା। ୨୦୧୬ରେ ଏଇ ଚଳଚ୍ଚିତ୍ର ମୁକ୍ତିଲାଭ କରିଥିବାବେଳେ ସେବେଠାରୁ ଆଜି ପର୍ଯ୍ୟନ୍ତ ନିଜ ପୁରୁଣା ଘରକୁ ଯାଇପାରି ନାହାନ୍ତି। ଏହା ପଛର ଏକମାତ୍ର କାରଣ ହେଲା କାମର ଚାପ। ଅଧିକାଂଶ ସମୟରେ ତାଙ୍କ ପିଲାବେଳର ସ୍ମୃତି ମନେପଡ଼େ ହେଲେ ଘରକୁ ଯିବାର ଇଚ୍ଛାକୁ ସେ ଦବାଇ ରଖନ୍ତି। କାମରୁ ଫୁରସତ୍ ମିଳିବା ମୁସ୍କିଲ୍ ବ୍ୟାପାର ହୋଇଯାଇଥିଲା ବୋଲି କହିଛନ୍ତି ଭୂମି। ଏବେ ତାଙ୍କ ନୂଆ ଘରେ ମା’ ଭଉଣୀ ସମସ୍ତେ ଏକାଠି ରହୁଛନ୍ତି। ଅନ୍ତତଃ ପରିବାର ଲୋକଙ୍କ ଗହଣରେ ଦିନ କାଟୁଥିବାରୁ ନିଜକୁ ଭାଗ୍ୟବାନ୍ ବୋଲି କହିଛନ୍ତି ଭୂମି ପେଦନକର୍।
Popular Categories
Previous article
Next article