ଋତୁ ଅନୁସାରେ କେଶର ଯତ୍ନ ନେବା ଉଚିତ ବୋଲି ସୌନ୍ଦର୍ଯ୍ୟ ବିଶେଷଜ୍ଞଙ୍କ ମତ। ଅନ୍ୟ ଦିନ ତୁଳନାରେ ବର୍ଷାଋତୁରେ କେଶର ଭଲଭାବେ ଯତ୍ନ ନେବା ଆବଶ୍ୟକ।
– କେଶ ପାଇଁ ମୁଲତାନି ମାଟିର ଉପକାର ଅନେକ। ୩ବଡ଼ ଚାମଚ ମୁଲତାନି ମାଟିରେ ପର୍ଯ୍ୟାପ୍ତ ମାତ୍ରାରେ ପାଣି ମିଶାଇବେ। ସେଥିରେ ୨ଛୋଟ ଚାମଚ ମହୁ ମିଶାଇ କେଶମୂଳରେ ଲଗାଇ ୩୦ ମିନିଟ୍ ପରେ ଶ୍ୟାମ୍ପୁ କରନ୍ତୁ।
– ମୁଲତାନି ମାଟି, ଦହି, ଲେମ୍ବୁରସ ଇତ୍ୟାଦି ମିଶାଇ ମଧ୍ୟ କେଶରେ ପ୍ୟାକ୍ ଭଳି ଲଗାଇପାରନ୍ତି। ମୁଲତାନି ମାଟି କେଶଝଡ଼ାକୁ ଅନେକାଂଶରେ କମ୍ କରେ।
– ଅଣ୍ଡା ଓ ଲେମ୍ବୁରସର ମିଶ୍ରଣକୁ କେଶରେ ୩୦ ମିନିଟ୍ ଲଗାଇ ଶ୍ୟାମ୍ପୁ କରିବେ। ଏପରି କଲେ କେଶ ସଂକ୍ରମଣଜନିତ ରୋଗରୁ ରକ୍ଷା ମିଳିବା ସହ ରୁପି ମଧ୍ୟ ନିୟନ୍ତ୍ରଣ ହୁଏ।
– ମନ୍ଦାର ପତ୍ର ଓ ଫୁଲ, ଉଭୟ କେଶ ଘନତ୍ବ ବଢ଼ାଇବାରେ ସହାୟକ। ଏସବୁୁକୁ ବାଟି ସୋରିଷ ତେଲରେ ମିଶାଇ କେଶରେ ଲଗାଇବା କେଶର ବିଭିନ୍ନ ସମସ୍ୟା ଦୂର କରୁଥିବାର ସୌନ୍ଦର୍ଯ୍ୟ ବିଶେଷଜ୍ଞଙ୍କ ମତ।
– ଶିକାକାଇ ଗୁଣ୍ଡ ୧ଚାମଚ, ରିଠା ୧ଚାମଚ ଓ ଦହି ୨ଚାମଚ ମିଶାଇ ପ୍ୟାକ୍ ତିଆରି କରି କେଶମୂଳରେ ଲଗାନ୍ତୁ। କେଶଝଡ଼ା ୧ ମାସ ମଧ୍ୟରେ କମ୍ ହୋଇଥାଏ।
– ପ୍ରତି ସପ୍ତାହରେ ଥରୁଟିଏ କେଶ ବାମ୍ଫ ନେବା ମଧ୍ୟ ଭଲ। ଏଇ ଉପାୟରେ କେଶ ମୂଳ ଦୃଢ଼ ହୋଇଥାଏ। n
Comments are closed.