ଭୁବନେଶ୍ବର : ରାଷ୍ଟ୍ରାୟତ୍ତ ବ୍ୟାଙ୍କର ଘରୋଇକରଣକୁ ବିରୋଧ କରି ଅଲ ଓଡିଶା ବ୍ୟାଙ୍କ ଏମ୍ପ୍ଲଇଜ ଫେଡରେସନ (ଏଓବିଇଏଫ) ପକ୍ଷରୁ ସ୍ଥାନୀୟ ମାଷ୍ଟର କ୍ୟାଣ୍ଟିନଠାରେ ସୋମବାର ଏକ ପ୍ରତିବାଦ ସଭା ଅନୁଷ୍ଠିତ ହୋଇଯାଇଛି। ଚଳିତବର୍ଷ ଏପ୍ରିଲ ପହିଲାରେ କେନ୍ଦ୍ର ସରକାର ଦେଶର ୧୦ ରାଷ୍ଟ୍ରାୟତ୍ତ ବ୍ୟାଙ୍କକୁ ଭାଙ୍ଗି ୪ଟି ବୃହତ୍ ବ୍ୟାଙ୍କରେ ପରିଣତ କରିଥିଲେ। ଏବେ ସରକାର ୬ଟି ବ୍ୟାଙ୍କକୁ ଘରୋଇକରଣ କରିବାକୁ ନିଷ୍ପତ୍ତି ନେଇଛନ୍ତି।ସରକାରଙ୍କ ଏହି ନିଷ୍ପତ୍ତିକୁ ତୀବ୍ର ବିରୋଧ କରୁଛନ୍ତି ବ୍ୟାଙ୍କ କର୍ମଚାରୀ। ପ୍ରତିବାଦ ସଭାରେ ରାଷ୍ଟ୍ରାୟତ୍ତ ବ୍ୟାଙ୍କ ଘରୋଇକରଣ କରିବାକୁ ସରକାର କରୁଥିବା ମସୁଧାକୁ ନିନ୍ଦା କରାଯାଇଛି। ଏଓବିଇଏଫର ସାଧାରଣ ସମ୍ପାଦକ ପ୍ରକାଶ ରାୟ ଏହି ପ୍ରତିବାଦ ସଭାର ନେତୃତ୍ବ ନେଇଥିଲେ।
Comments are closed.