ଆଠଗଡ଼: ଆଠଗଡ଼ ବ୍ଲକର ଖୁଣ୍ଟକଟାଠାରେ ଗତ ଗୁରୁବାର ଅନୁଷ୍ଠିତ ସ୍ୱତନ୍ତ୍ର ଶିବିରରେ ସଂଗୃହିତ ୮୫ଜଣଙ୍କ ସ୍ୱାବ ମଧ୍ୟରୁ ପରୀକ୍ଷା ପରେ ୯ ଜଣଙ୍କର କରୋନା ପଜିଟିଭ ବାହାରିଥିବା ଜଣାପଡ଼ିଛି। ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ୟ୍ୟାଳୟରୁ ମିଳିଥିବା ସୂଚନାକୁ ଆଧାରକରି ବ୍ରହ୍ମପୁର ସିଏଚସିର ଅଧୀକ୍ଷକ ଡାକ୍ତର ଦିଲ୍ଲୀପ ଦାସ ଏହା ପ୍ରକାଶ କରିଛନ୍ତି। ଖୁଣ୍ଟକଟା ଠାରେ ଅନୁଷ୍ଠିତ ସ୍ୱାବ ସଂଗ୍ରହ ଶିବିରରେ ପୂର୍ବ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ଓ କଣ୍ଟାକ୍ଟ ଟ୍ରେସିଂରେ ଠାବ ହୋଇଥିବା ଲୋକ ଏବଂ ଲକ୍ଷଣଥିବା କିଛି ଲୋକଙ୍କର ସ୍ୱାବ ସଂଗ୍ରହ ହୋଇଥିଲା। ୮୫ଜଣଙ୍କ ମଧ୍ୟରୁ ୯ଜଣ କରୋନା ଆକ୍ରାନ୍ତ ଥିବା ଜଣାପଡ଼ିଛି। ସେମାନଙ୍କ ମଧ୍ୟରେ ମେଘାର ୧ବର୍ଷ ବୟସର ଜଣେ ଶିଶୁପୁତ୍ରଙ୍କ ସମେତ ତିନିଜଣ, ଧୁରୁଷିଆ, ଆଙ୍କୁଲା, ଅରଖପାଟଣା, କାବତାବରେଇ, ରେଗେଡ଼ାପଡ଼ା ଓ ତିଗିରିଆ କରଡାପଲିରୁ ଜଣେ ଲେଖାଏଁ ମୋଟ ୬ଜଣଙ୍କୁ ମିଶାଇ ମୋଟ ୯ଜଣ ଆକ୍ରାନ୍ତ ଥିବା ରିପୋର୍ଟରୁ ପ୍ରକାଶ। ସମସ୍ତ ଆକ୍ରାନ୍ତଙ୍କୁ ବ୍ରହ୍ମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ଆଠଗଡ଼ ଏନଏସି କର୍ତ୍ତୁପକ୍ଷଙ୍କ ସହାୟତାରେ କଟକ ବିଦ୍ୟାଧରପୁରସ୍ଥିତ ଏକ ସ୍ୱତନ୍ତ୍ର କୋଭିଡ଼ ହସ୍ପିଟାଲକୁ ପଠାଇବାର ବ୍ୟବସ୍ଥା କରାଯାଇଛି। ଆଠଗଡ଼ ଗ୍ରାମାଞ୍ଚଳ ଓ ସହରାଞ୍ଚଳରେ ଏବେ କରୋନା ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବାରୁ ତାହା ପ୍ରଶାସନ ଓ ସାଧାରଣ ଲୋକଙ୍କ ପାଇଁ ଚିନ୍ତାର କାରଣ ହୋଇଛି।
Popular Categories
Previous article
Next article