ବୋଲଗଡ: ହିନ୍ଦୁମାନଙ୍କର ଆରାଧ୍ୟ ଦେବତା ପ୍ରଭୁ ଶ୍ରୀରାମଚନ୍ଦ୍ରଙ୍କ ଭବ୍ୟ ମନ୍ଦିର ନିର୍ମାଣ ପାଇଁ ମାନ୍ୟବର ଉଚ୍ଚତମ ନ୍ୟାୟଳୟ ପଥ ପରିଷ୍କାର କରିବାପରେ ଅଗଷ୍ଟ ୫ ତାରିଖ ବୁଧବାର ଆଜିର ଦିନରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଯୋଧ୍ୟାଠାରେ ଭୂମିପୂଜନ ନିମନ୍ତେ ଶିଳାନ୍ୟାସ କରିଛନ୍ତି। ଦୀର୍ଘ ୫୦୦ବର୍ଷର ସଂଘର୍ଷ ଏବଂ ଏହାପରେ ବିଜୟ ପ୍ରତ୍ୟେକ ହିନ୍ଦୁମାନଙ୍କୁ ନୂତନ ବଳ ଦେବା ସହିତ ଆଧ୍ୟାତ୍ମିକତା ସବୁରିଠାରେ ଜାଗ୍ରତ ହୋଇଛି। ଏହି ଉପଲକ୍ଷେ ଭାରତବର୍ଷର କୋଣ ଅନୁକୋଣରେ ପ୍ରଭୁ ଶ୍ରୀରାମଙ୍କର ମନ୍ଦିର ନିର୍ମାଣ ପାଇଁ ଭୂମି ପୂଜନ ଆନନ୍ଦ ଉଲ୍ଲାସର ବାତାବରଣ ସୃଷ୍ଟି କରିଛି। କରୋନା ମହାମାରୀ ସାରା ବିଶ୍ୱକୁ କବଳିତ କରିଥିବାବେଳେ ଅଯୋଧ୍ୟା ଯାଇ ସେଠାରେ ଭୂମିପୂଜନରେ ନିଜକୁ ସାମିଲ କରିବା ଦୂରୁହ ହୋଇଥିବାବେଳେ ସମଗ୍ର ବୋଲଗଡ ବ୍ଲକରେ ପ୍ରତ୍ୟେକ ଘର ସମ୍ମୁଖରେ ଦୀପ ଜାଳି ଏହି ଉତ୍ସବରେ ନିଜକୁ ସାମିଲ କରିଛନ୍ତି। ଏହି ଅବସରରେ ବୋଲଗଡର ଅଧିଷ୍ଠାତ୍ରୀ ଦେବୀ ମା’ ଭୁୟାଁଣୀ ପୀଠରେ ଏକ ଆଧ୍ୟାତ୍ମିକ ପରିବେଶରେ ବୋଲଗଡ ମଣ୍ଡଳ ବିଜେପି ପକ୍ଷରୁ ସମୂହ ଦୀପଦାନ ଅନୁଷ୍ଠିତ ହୋଇଯାଇଛି।
ସାମାଜିକ ଦୂରତା ରକ୍ଷା କରି ବିଜେପି ରାଜ୍ୟ ପରିଷଦ ସଭ୍ୟ ଲୋତକ ବିନ୍ଦୁ ପଟ୍ଟନାୟକ, ବୋଲଗଡ ମଣ୍ଡଳ ସଭାପତି ସଞ୍ଜୟ କୁମାର ବେହେରା,ବିନୋଦ ମହାରଣା,ସମ୍ପାଦକ ଅଜିତ କୁମାର ପଟ୍ଟନାୟକ, ମଣ୍ଡଳ କୃଷକମୋର୍ଚ୍ଚା ସଭାପତି ଆର୍ତ୍ତବନ୍ଧୁ ପ୍ରଧାନ,ଓବିସି ମୋର୍ଚ୍ଚ ସଭାପତି ଲକ୍ଷ୍ମୀଧର ବଳିୟାରସିଂହ,ଅଭି ପଟ୍ଟନାୟକ,ଦୁର୍ଗାଚରଣ ଦଳବେହେରା,ବନ୍ଧୁ କୁମାର ଭୋଳ,ଜଗବନ୍ଧୁ ମୁଦୁଲି, ତପନ କୁମାର ସାହୁଙ୍କ ସମେତ ବହୁ କାର୍ୟ୍ୟକର୍ତ୍ତା ଏହି ଦୀପ ଦାନ ଉତ୍ସବରେ ଅଂଶ ଗ୍ରହଣ କରିଥିଲେ।
Comments are closed.