ଭୁବନ : ଢେଙ୍କାନାଳ ଜିଲ୍ଲାରେ କରୋନା ଦିନକୁ ଦିନ କାୟା ବିସ୍ତାର କରୁଥିବା ବେଳେ ଜିଲ୍ଲାପାଳଙ୍କ ନିର୍ଦେଶକ୍ରମେ ଜୁଲାଇ ୩୧ ପର୍ୟ୍ୟନ୍ତ ପ୍ରତି ଶନିବାର ଓ ରବିବାର ସପ୍ତାହାନ୍ତ ସଟଡାଉନ ଜୁଲାଇ ୩୧ ପର୍ଯ୍ୟନ୍ତ ଘୋଷଣା କରାଯାଇଛି। ସପ୍ତାହନ୍ତ ସଟଡାଉନର ଆଜି ସପ୍ତମ ଦିବସରେ ଭୁବନରେ ସମସ୍ତ ଦୋକାନ,ବଜାର ଓ ଦୈନିକ ପରିବା ମାର୍କେଟ ସମ୍ପୂର୍ଣ୍ଣ ବନ୍ଦ ଥିଲା। ଜନସାଧାରଣ ଏବେ ସଚେତନ ହୋଇ ଆଉ ଆଗଭଳି ବଜାର ଓ ରାସ୍ତଘାଟରେ ବୁଲୁନାହାନ୍ତି। ଭୁବନ ପୁଲିସ ପକ୍ଷରୁ ଯାଞ୍ଚ ପ୍ରକ୍ରିୟାକୁ କଡ଼ାକଡ଼ି କରାଯାଇଛି। ନିହାତି ଆବଶ୍ୟକ ତଥା ଜରୁରୀ କାର୍ଯ୍ୟରେ ବଜାରକୁ ଅାସିଥିବା ଲୋକଙ୍କୁ ପୁଲିସ ପଚରାଉଚରା କରି ସନ୍ତୋଷଜନକ ଉତ୍ତର ପାଇବା ପରେ ଛାଡୁଥିବା ଦେଖିବାକୁ ମିଳିଥିଲା। ଭୁବନ ପୁଲିସ ତରଫରୁ ୫୩ ନମ୍ବର ଜାତୀୟ ରାଜପଥ ସମେତ ଭୁବନ-ଢେଙ୍କାନାଳ ରାସ୍ତାରେ ଚଳାଚଳ କରୁଥିବା ମାଲବାହୀ ଗାଡିକୁ ଯାଞ୍ଚ କରି ଛାଡୁଥିବା ଦେଖିବାକୁ ମିଳିଥିଲା। ଆଇଆଇସି ଜିତେନ୍ଦ୍ର କୁମାର ସାହୁଙ୍କ ନିର୍ଦେଶରେ ୫୩ ନମ୍ବର ଜାତୀୟ ରାଜପଥର କାଳୀବଜାର ଠାରେ ଏଏସଆଇ ଲକ୍ଷ୍ମୀଧର ରଣା,ଅନନ୍ତପୁର ସୀମାନ୍ତରେ ଏଏସଆଇ ହେମନ୍ତ କୁମାର ପାଢୀ, ମହୁଲପାଳ ନୂଆହାଟରେ ଏଏସଆଇ ନୀଳକଣ୍ଠ ପାତ୍ର ପ୍ରମୁଖ ଯାଞ୍ଚ ପ୍ରକିୟାରେ ସାମିଲ ହୋଇଥିଲେ।
Comments are closed.