କଲମପୁର : ଗତ ଫେବୃଆରୀରୁ ମାର୍ଚ୍ଚ ମାସ ପ୍ରଥମ ସପ୍ତାହରେ ଅନୁଷ୍ଠିତ କେନ୍ଦ୍ରିୟ ବୋର୍ଡ ଦଶମ ପରୀକ୍ଷାର ପରୀକ୍ଷା ଫଳ ପ୍ରକାଶିତ ହେଇଯାଇଛି । ଏଥିରେ କଲମପୁର ଓଡିଶା ଆଦର୍ଶ ବିଦ୍ୟାଳୟର ଛାତ୍ର ନିଖିଳ ନିଆଲ ୯୨ ପ୍ରତିଶତ ମାର୍କ ରଖି ପାସ କରିବା ସହ କଲମପୁର ଅଞ୍ଚଳ ପାଇଁ ଗୌରବ ଆଣିଛନ୍ତି ।ନିଆଲଙ୍କ ଏହି କୃତୀତ୍ୱ ପଛରେ ବିଦ୍ୟାଳୟର ଶିକ୍ଷକ ଓ ପିତା ମାତାଙ୍କ ଆଶିର୍ବାଦକୁ ଶ୍ରେୟ ଦେଇଛନ୍ତି। ଦୈନିକ ୧୦ରୁ ୧୨ ଘଣ୍ଟା ପାଠରେ ଗୁରୁତ୍ୱ ଦେଉଥିବା ଶିକ୍ଷକଙ୍କ ତରଫରୁ ସୂଚନା ମିଳିଛି। ନିଆଲଙ୍କ ବାପା ଲଳିତ କୁମାର ନିଆଲ ଓ ସେ ନିକଟସ୍ଥ ପଣ୍ଡିଗାଁର ବାସିନ୍ଦା ଅଟନ୍ତି। ବିଦ୍ୟାଳୟ ଠାରୁ ପ୍ରାୟ ୪ କିଲୋମିଟର ଦୂରରୁ ରିତିମତ ଯାତାୟତ କରି ପାଠ ପଢୁଥିଲେ। ଚଳିତ ବର୍ଷ ଦଶମ ପରୀକ୍ଷା ଦେବା ପାଇଁ ୫୫ ଜଣ ଛାତ୍ର ଛାତ୍ରୀ ଆବେଦନ କରିଥିଲେ । କିନ୍ତୁ ୬ ଜଣ ଛାତ୍ର ଛାତ୍ରୀ ପରୀକ୍ଷାରେ ଅନୁପସ୍ଥିତ ଥିବା ବେଳେ ୧୦ ଜଣ ଛାତ୍ର ଛାତ୍ରୀ ଗଣିତ ଓ ବିଜ୍ଞାନ ଭଳି ବିଷୟରେ ଫେଲ ହେଇଛନ୍ତି । ୩୯ ଜଣ ଛାତ୍ର ଛାତ୍ରୀ ପାସ କରିଥିବା ବେଳେ ନିଖିଲଙ୍କ ବ୍ୟତିତ ଅନ୍ୟ କେହି ୯୦ ପ୍ରତିଶତ ମାର୍କ ଅତିକ୍ରମ କରି ନାହାଁନ୍ତି । କୁଞ୍ଜବିହାରୀ ସାହୁ, ଲୋକେଶ କୁମାର ନାଏକ, ଯୋଗେଶ କୁମାର ଶବର ଓ ଡୋଳାମଣି କଣ୍ଟା ପ୍ରମୁଖ ୪ ଜଣ ଛାତ୍ର ୮୦ ପ୍ରତିଶତରୁ ଅଧିକ ମାର୍କ ରଖି ଉତିନ୍ନ ହେଇଛନ୍ତି। ୮ଜଣ ଛାତ୍ର ଛାତ୍ରୀ ୭୦ ପ୍ରତିଶତରୁ ଅଧିକ ମାର୍କ ରଖିଛନ୍ତି।
Popular Categories
Previous article
Next article