ଦେଶରେ ସୁସ୍ଥ ହେଲେଣି ୪୮.୦୭% କରୋନା ସଂକ୍ରମିତ; ମହାରାଷ୍ଟ୍ରରେ ମୃତ୍ୟୁ ସଂଖ୍ୟା ସର୍ବାଧିକ

ନୂଆଦିଲ୍ଲୀ: ଦେଶରେ କରୋନା ସଂକ୍ରମିତଙ୍କ ସଂଖ୍ୟା ପାଖାପାଖି ୨ ଲକ୍ଷ ହେଲାଣି । ବିଶ୍ଵ ତାଲିକାରେ ସଂକ୍ରମଣ ମାମଲାରେ ଭାରତ ୭ମ ସ୍ଥାନରେ ରହିଛି । ସକ୍ରିୟ ସଂକ୍ରମିତଙ୍କ ତାଲିକାରେ ସାରା ପୃଥିବୀରେ ଭାରତ ୪ର୍ଥ । ଏହା ସତ୍ବେ ଏହା ଆଦୌ ଚିନ୍ତାର କାରଣ ନୁହେଁ ବୋଲି କହିଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ । ସ୍ବାସ୍ଥ୍ୟ ମନ୍ତ୍ରଣାଳୟ ଯୁଗ୍ମ ସଚିବ ଲବ୍ ଅଗ୍ରୱାଲ ଏପରି ବିଶ୍ଲେଷଣ ଠିକ୍ ନୁହେଁ ଓ ଦେଶରେ ମୃତ୍ୟୁହାର ପୃଥିବୀରେ ସବୁଠୁ କମ୍ ଓ ସୁସ୍ଥ ହାର ୪୮.୦୭ରେ ପହଞ୍ଚିଛି ବୋଲି କହିଛନ୍ତି ।

ସେ କହିଛନ୍ତି ଯେ ଦେଶରେ ମୃତ୍ୟୁହାର ଏପ୍ରିଲ୍ ମାସରେ ୩.୧୫% ରହିଥିବାବେଳେ ଏବେ ତାହା ୨.୮୨%କୁ ହ୍ରାସ ପାଇଛି । ଏହା ସାରା ପୃଥିବୀରେ ସବୁଠାରୁ କମ୍ ଅନୁପାତ । କିଛି ଦେଶରେ ମୃତ୍ୟୁ ହାର ପାଖାପାଖି ୧୯% ରହିଛି । ଅନୁପାତକୁ ଦେଖିଲେ ଭାରତର ଜନସଂଖ୍ୟା ସହ ପୃଥିବୀର ୧୪ ଦେଶର ଜନସଂଖ୍ୟା ସହ ସମାନ ଏବଂ ସେହି ଦେଶଗୁଡ଼ିକରେ ସଂକ୍ରମଣକୁ ଦେଖିଲେ ୫୫ ମୃତ୍ୟୁ ଘଟିଛି । ତେବେ ସମସ୍ତ ମୃତକଙ୍କ କ୍ଷେତ୍ରରେ କରୋନା ମୃତ୍ୟୁ ବୋଲି କୁହାଯାଇ ପାରିବ ନାହିଁ । ବୃଦ୍ଧ ଲୋକମାନଙ୍କ ପାଇଁ କରୋନା ବିପଦ ଅଧିକ ରହିଛି । ମଧୁମେହ ରୋଗୀଙ୍କ କ୍ଷେତ୍ରରେ ଏହା ସର୍ବାଧିକବିପଦ ସୃଷ୍ଟି କରିଥାଏ । ପ୍ରାୟ ୭୫% ମୃତ୍ୟୁ କ୍ଷେତ୍ରରେ କରୋନା ଭିନ୍ନ ଅନ୍ୟ ରୋଗ ହିଁ ଦାୟୀ ବୋଲି ସେ କହିଛନ୍ତି ।

ଜୁନ୍ ୨ ତାରିଖ ସୁଦ୍ଧା ବିଭିନ୍ନ ରାଜ୍ୟରେ କରୋନା ସଂକ୍ରମିତ, ସୁସ୍ଥ ଓ ମୃତ୍ୟୁବରଣ କରିଥିବା ଲୋକଙ୍କ ସଂଖ୍ୟା-