ଦ୍ୱାରଶୁଣି: କରୋନା ପାଇଁ ସାରା ଦେଶ ଲକଡାଉନ କିନ୍ତୁ ଚୋରା ବିଦେଶୀ ମଦ ବେପାରୀଙ୍କର ଚାଲିଛି ଜୋରଦାର ବେପାର । ଲକଡାଉନର ସୁଯୋଗ ନେଇ ଚୋରାରେ ବିଦେଶୀ ମଦ ବିକ୍ରି କରୁଛନ୍ତି । ଲକଡାଉନ୍ କାରଣରୁ ସବୁ ଦୋକାନ ବଜାର ବନ୍ଦ ଥିବାରୁ ମଦ୍ୟପ ମାନେ ମଦ ପିଇବାକୁ ମଧ୍ୟ ଡହଳ ବିକଳ ହେଉଛନ୍ତି। ଯାହାର ଫାଇଦା ଉଠାଇ କିଛି ଅସାଧୁ ବ୍ୟବସାୟୀ ଚୋରା ବିଦେଶୀକୁ ବେଧଡକ୍ ଚଢା ଦରରେ ମଦ ବିକ୍ରି କରୁଛନ୍ତି।
ଏପରି ଏକ ଘଟଣା ସାମ୍ନାକୁ ଆସିଛି ଦ୍ବାରଣୁଣି ଅଞ୍ଚଳରେ । ସୂଚନାଅନୁସାରେ ଅନ୍ଧାର ସୁଯୋଗ ନେଇ ପଡୋଶୀ ରାଜ୍ୟ ପଶ୍ଚିମବଙ୍ଗରୁ ଡଙ୍ଗାରେ ସୁବର୍ଣ୍ଣରେଖା ନଦୀ ପାର କରି ପରିବା ବୋଝେଇ ଗାଡ଼ିରେ ବିଦେଶୀ ମଦ ଚାଲାଣ ହେଉଥିଲା । ଏହି ଘଟଣା ସମ୍ପର୍କରେ ବିଶେଷ ସୂତ୍ରରୁ ଖବର ପାଇ ଝାରପୋଖରିଆ ଥାନା ଏସଆଇ ପଞ୍ଚାନନ ମହାନ୍ତି ଚଢଉ କରିଥିଲେ । OD 02 BD 4087 ନମ୍ବର ବିଶିଷ୍ଟ ପରିବା ଗାଡିକୁ ବିଳମ୍ବିତ ରାତିରେ ଆନ୍ତରାଜ୍ୟ ସୀମା ଜାମଶଳା ଗେଟ ନିକଟରେ ଜବଦ କରିବା ସହିତ ଆନ୍ତରାଜ୍ୟ ମଦ ବ୍ୟପାରି ଦୁଇଜଣକୁ ଗିରଫ କରିଛି । ଗିରଫ ଦୁଇଜଣ ହେଲେ ଝାରଖଣ୍ଡ ରାଜ୍ୟ ବହଡାଗୋଡା ଥାନା ଅନ୍ତର୍ଗତ ବାସୁଦେବ ଦାସ ଓ ଭୁବନେଶ୍ୱର ବିଡିଏ କଲୋନିର ସୁବାସ ଚନ୍ଦ୍ର ଜେନା । ତେବେ ଅବକାରୀ ବିଭାଗ ଶୋଇ ରହିଥିବା ବେଳେ ଜିଲ୍ଲା ଅବକାରୀ ଅଧୀକ୍ଷକ ଏଥିପ୍ରତି ଦୃଷ୍ଟି ଦେବାକୁ ସାଧାରଣ ରେ ଦାବି ହେଉଛି ।
