ସଚେତନତା ନେଇ ଆରପିଏଫର ନିଆରା ଉଦ୍ୟମ

ଟିଟିଲାଗଡ଼ ; ଟିଟିଲାଗଡ ଆରପିଏଫ ଦ୍ୱାରା କରୋନା ମହାମାରୀ ସଚେତନତା ନେଇ ମଙ୍ଗଳବାର ନିଆରା ପ୍ରୟାସ କରାଯାଇଛି। ଯାହା ଏବେ ଆଲୋଚନାର ବିଷୟ ପାଲଟିଛି। ଆରପିଏଫର ଜଣେ କର୍ମଚାରୀ କରୋନା ରାକ୍ଷସ ରୂପରେ ସଜ୍ଜିତ ହୋଇ ଅଧିକାରୀ କର୍ମଚାରୀଙ୍କ ଗହଣରେ ରେଳ କଲୋନି ତଥା ସଂଲଗ୍ନ ଅଂଚଳରେ ଲୋକଙ୍କୁ ବିପଦ ସମ୍ପର୍କରେ ସଚେତନ ସହ ଘରୁ ନବାହାରିବାକୁ ପରାମର୍ଶ ଦେଇଥିଲେ। ଏହା ସହ ଆରପିଏଫ ପକ୍ଷରୁ ଏନେଇ ବାଇକ ଯୋଗେ ସହରର ରେଳବିଭାଗ ପରିସର ଅଂଚଳ ବୁଲି ଲୋକଙ୍କୁ ସଚେତନ କରାଯାଇଥିଲା। ଆରପିଏଫ ଜରିଆରେ ପୂର୍ବତଟ ରେଳବାଇ ଅଫିସର୍ସ ଆସୋସିଏସନ ଭୁବନେଶ୍ୱର ପକ୍ଷରୁ ଅସହାୟ ଲୋକଙ୍କୁ ଖାଦ୍ୟ ବଣ୍ଟନ କରାଯାଇଥିଲା। ଆରପିଏଫ ପୋଷ୍ଟ କମାଣ୍ଡର ଏମଏସ କୁମାୱତ, ସବଇନ୍ସପେକ୍ଟର ଆରସି ପାତ୍ର, ଏଚସି ଏସ ପଣ୍ଡା, ଏସସି ନାୟକ, ପ୍ରଦୀପ କୁମାର, ମନଦୀପ କୁମାର, ଜୟ ଭଗୱାନ, ଆରକେ ନାୟକ, ସୁନିଲ କୁମାର, ଶମ୍ଭୁ ଚରଣ ସାହୁ ପ୍ରମୁଖ ଏଥିôରେ ସାମିଲ ହୋଇଥିଲେ।