ସମାଜ ପୋର୍ଟାଲ ଡେସ୍କ : ଆଜି ହେଉଛି ପବିତ୍ର ମହା ବିଷୁବ ସଂକ୍ରାନ୍ତି । ଓଡ଼ିଆ ପଞ୍ଜିକାର ଗଣନା ଅନୁସାରେ ମହାବିଷୁବ ସଂକ୍ରାନ୍ତି ହିଁ ବର୍ଷର ପ୍ରଥମ ସଂକ୍ରାନ୍ତି । ଆଜିର ଦିନକୁ ଓଡ଼ିଆ ନବବର୍ଷ ହିସାବରେ ମଧ୍ୟ ପାଳନ କରାଯାଏ । ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ଜଗନ୍ନାଥଙ୍କ ମହିମାରୁ ପ୍ରତିଟି ଜୀବନ ସୁରକ୍ଷିତ ହେଉ ବୋଲି ନବୀନ କହିଛନ୍ତି ।
ମହା ବିଷୁବ ସଂକ୍ରାନ୍ତି ତଥା ଓଡ଼ିଆ ନବ ବର୍ଷ ଅବସରରେ ସମସ୍ତଙ୍କୁ ମୋର ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା। ମହାପ୍ରଭୁ ଶ୍ରୀ ଜଗନ୍ନାଥଙ୍କ ମହିମାରୁ ପ୍ରତିଟି ଜୀବନ ସୁରକ୍ଷିତ ହେଉ। ଆମ ସମସ୍ତଙ୍କୁ ଦୃଢତାର ସହ କରୋନା ମୁକାବିଲା ପାଇଁ ଶକ୍ତି ଦେଉ। #PanaSankranti #OdiaNewYear pic.twitter.com/gIyTviR9we
— Naveen Patnaik (@Naveen_Odisha) April 13, 2020
ସେହିପରି ରାଜଧାନୀ ପ୍ରତିଷ୍ଠା ଦିବସରେ ସମସ୍ତଙ୍କୁ ଆନ୍ତରିକ ଶୁଭେଚ୍ଛା ଜଣାଇଛନ୍ତି । ବର୍ତ୍ତମାନ ସମୟରେ ସେ ଆହ୍ୱାନ ଦେଇ କହିଛନ୍ତି କରୋନା ବିରୋଧରେ ଏହି ଲଢ଼େଇକୁ ଦୃଢ଼ତାର ସହ ଲଢ଼ିବା । ଏହାସହ ସେ କହିଛନ୍ତି ଯେ ଆସନ୍ତୁ ଏକ ହୋଇ ଏହି ଯୁଦ୍ଧ ଜିତିବା ।
ରାଜଧାନୀ ପ୍ରତିଷ୍ଠା ଦିବସରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା। ବର୍ତ୍ତମାନ ସମୟର ଆହ୍ୱାନ ହେଉଛି କରୋନା ବିରୋଧରେ ଏହି ଲଢେଇକୁ ଦୃଢତାର ସହ ଲଢ଼ିବା। ଆସନ୍ତୁ, ଏକ ହୋଇ ଏ ଯୁଦ୍ଧ ଜିତିବା। pic.twitter.com/SST19bXzqq
— Naveen Patnaik (@Naveen_Odisha) April 13, 2020
