ସମାଜ ପୋର୍ଟାଲ ଡେସ୍କ : ମହାମାରୀ କରୋନାରେ ସଂକ୍ରମତି ହୋଇ ଆଇସିୟୁରେ ଭର୍ତ୍ତି ହୋଇଥିବା ବ୍ରିଟେନ ପ୍ରଧାନମନ୍ତ୍ରୀ ବୋରିସ୍ ଜନସନଙ୍କ ସ୍ବାସ୍ଥ୍ୟବସ୍ଥାରେ ସୁଧାର ଆସିଛି। କରୋନା ସଂକ୍ରମିତ ଥିବା ବୋରିସ୍ ଜନସନଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ ରବିବାର ଲଣ୍ଡନର ସେଣ୍ଟ ଥୋମାସ ହସ୍ପିଟାଲର ଆଇସିୟୁରେ ଭର୍ତ୍ତି କରାଯାଇଥିଲା।
UK Prime Minister Boris Johnson (File pic) has been moved out of intensive care but remains in hospital: UK media pic.twitter.com/KCxWlD861V
— ANI (@ANI) April 9, 2020
ଏକ ଉଚ୍ଚ କ୍ଷମତା ସମ୍ପନ୍ନ ଡାକ୍ତରୀ ଦଳର ତତ୍ତ୍ଵାବଧାନରେ ତାଙ୍କୁ ଏଠାରେ ଚିକିତ୍ସା କରାଯାଇଥିଲା। ତିନି ରାତି ପର୍ଯ୍ୟନ୍ତ ଆଇସିୟୁରେ ଚିକିତ୍ସିତ ହେବା ପରେ ତାଙ୍କ ସ୍ବାସ୍ଥ୍ୟବସ୍ଥାରେ ସୁଧାର ଆସିବା ପରେ ଗୁରୁବାର ତାଙ୍କୁ ସାଧାରଣ ୱାର୍ଡକୁ ସ୍ଥାନାନ୍ତର କରାଯାଇଥିଲା। ଜନସନ କରୋନା ଲକ୍ଷଣ ପାଇବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା, କିନ୍ତୁ ପରେ ତାଙ୍କ ଅବସ୍ଥା ବିଗିଡି ଯାଇଥିବାରୁ ଆଇସିୟୁକୁ ପଠାଯାଇଥିଲା ଏବଂ ତାଙ୍କ ଅନୁପସ୍ଥିତିରେ ବୈଦେଶିକ ସଚିବ ଡୋମିନିକ୍ ରାଏବଙ୍କୁ ଦେଶର ନେତୃତ୍ୱ ଦିଆଯାଇଥିଲା।
