କାକୁଡ଼ି ବିକାଳିଙ୍କୁ ଷ୍ଟେସନ କର୍ମଚାରୀଙ୍କ ମାଡ଼ ମାରିବା ଘଟଣା, ତଦନ୍ତ ଆରମ୍ଭ କଲା ଜିଆରପି

ସୋର: ବାଲେଶ୍ବର ରେଳଷ୍ଟେସନ ବାହାରେ କାକୁଡ଼ି ବିକାଳି ହରେକୃଷ୍ଣ ମହାଳିକଙ୍କୁ ଦୁଇ ଷ୍ଟେସନ କର୍ମଚାରୀ ମାଡ଼ ମାରିବା ଭିଡିଓ ଭାଇରାଲ ଘଟଣାରେ ଶୁକ୍ରବାର ବାଲେଶ୍ବର ଜିଆରପି ତଦନ୍ତ ଆରମ୍ଭ କରିଛି। ଗୁରୁବାର ମୋହନ ହେମ୍ବ୍ରମ ଓ ଅନ୍ୟ ଜଣେ ଷ୍ଟେସନ କର୍ମଚାରୀ ମିଳିତଭାବେ ହରେକୃଷ୍ଣଙ୍କୁ ମାଡ଼ ମାରିବା ସହ ଅଶ୍ଳୀଳ ଭାଷାରେ ଗାଳି ଗୁଲଜ କରିଥିଲେ। ଏହାର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହୋଇଥିଲା। ଜିଆରପି ଭିଡିଓ ଦେଖିବା ପରେ କାର୍ଯ୍ୟାନୁଷ୍ଠାନମୂଳକ ତଦନ୍ତ ଆରମ୍ଭ କରିଛି।