ନୂଆଦିଲ୍ଲୀ : ଦିଲ୍ଲୀ ପୁଲିସର ସ୍ପେଶାଲ୍ ସେଲ୍ ଗୁରୁବାର ସକାଳେ ପପୁଲାର୍ ଏବଂ ପପୁଲାର ଫ୍ରଣ୍ଟ ଅଫ୍ ଇଣ୍ଡିଆର ସଭାପତି ସଚିବ ଇଲିୟାସଙ୍କୁ ଗିରଫ କରିଛି। ଶାହିନ୍ ବାଗରେ ଚାଲିଥିବା ନାଗରିକ ସଂଶୋଧନ ଆଇନ(ସିଏଏ) ବିରୋଧ ପଦର୍ଶନର ପିଏଫ୍ଆଇ ସହ ଲିଙ୍କ୍ ଥିବା ତଦନ୍ତରୁ ଜାଣିବାକୁ ପାଇଥିଲା ପୁଲିସ। ଏହାପରେ ଦିଲ୍ଲୀ ପୁଲିସର ସ୍ପେଶାଲ୍ ସେଲ୍ ଏହି ଯୋଡିଙ୍କୁ ଗିରଫ କରିଛି। ଏହାପୂର୍ବରୁ ସୋମବାର ଦିନ ପିଏଫଆଇ ସଦସ୍ୟ ଡାନିଶ ଅଲିଙ୍କୁ ମଧ୍ୟ ଗିରଫ କରିଥିଲା ଦିଲ୍ଲୀ ପୁଲିସ । ନାଗରିକ ସଂଶୋଧନ ଆଇନ (ସିଏଏ) ବିରୋଧରେ ପ୍ରଦର୍ଶନ ପାଇଁ ପାଣ୍ଠି ଯୋଗାଉଥିବା ଅଭିଯୋଗ ହୋଇଥିଲା। ଦିଲ୍ଲୀ ପୁଲିସର ଅନୁସନ୍ଧାନରୁ ଜଣାପଡିଛି ଯେ ଦିଲ୍ଲୀର ହିଂସା ଯୋଜନାବଦ୍ଧ ଭାବେ ହୋଇଥିଲା। ଡାନିଶ ଅଲିକୁ ଗିରଫ କରିବା ପରେ କୋର୍ଟରେ ହାଜର କରିବା ସହ ଅଧିକ ପଚରା ଉଚୁରା ପାଇଁ ରିମାଣ୍ଡ ଆବେଦନ କରିଥିଲା ପୁଲିସ। କୋର୍ଟ ଡାନିଶ ଅଲିକୁ ଚାରି ଦିନ ପାଇଁ ପୁଲିସକୁ ରିମାଣ୍ଡରେ ଦେଇଛନ୍ତି।
Delhi Police Special Cell has arrested Popular Front of India (PFI) President Parvez (pic1) and Secretary Illiyas (pic2), in connection with alleged PFI-Shaheen Bagh link. #Delhi https://t.co/EAau7Wq8wZ pic.twitter.com/ZjkLgRSxmf
— ANI (@ANI) March 12, 2020
ଦିଲ୍ଲୀ ପୁଲିସର ସ୍ପେଶାଲ ସେଲର ଡିସିପି ପ୍ରମୋଦ କୁଶୱା କହିଛନ୍ତି ଯେ ଦିଲ୍ଲୀ ଦଙ୍ଗାର ଏତଲା ନମ୍ବର ୫୯ ରେ ଗୋକାଲପୁରୀ ନିବାସୀ ମହମ୍ମଦ ଡାନିଶଙ୍କୁ ଗିରଫ କରାଯାଇଛି। ସେ ପିଏଫଆଇର କାଉଣ୍ଟର ଇଣ୍ଟେଲିଜେନ୍ସ ଟିମରେ ରହିଥିଲା । ସେ ଦିଲ୍ଲୀରେ ଘଟିଥିବା ଘଟଣାଗୁଡ଼ିକ ଉପରେ ନଜର ରଖିଥିଲା। କେଉଁ ଅଞ୍ଚଳକୁ ପୁଲିସ ଏବଂ ଆଇବି ଅଧିକାରୀ ଗସ୍ତ କରୁଛନ୍ତି ତାହା ମଧ୍ୟ ନିଜ ନଜରରେ ରଖୁଥିଲା ଡାନିଶ।
ଯଦି ଜଣେ ପୁଲିସ କ୍ରମାଗତ ଭାବରେ ସମସ୍ତ କାର୍ଯ୍ୟକ୍ରମକୁ ଯାଉଛନ୍ତି ତେବେ ତାଙ୍କୁ ଟାର୍ଗେଟ କରୁଥିଲା ଡାନିଶ । ଅନୁସନ୍ଧାନରୁ ଏହା ମଧ୍ୟ ଜଣାପଡିଛି ଯେ ଡାନିଶ ଦିଲ୍ଲୀର ଦଙ୍ଗା ପାଇଁ ବାହାର ଲୋକଙ୍କୁ ଡାକି ଉତ୍ତେଜନା ସୃଷ୍ଟି କରିଥିଲା। ସିଏଏ ବିରୁଦ୍ଧରେ ଲୋକଙ୍କୁ ଉତ୍ସାହିତ କରିବା ପାଇଁ ସେ ପ୍ରଦାହଜନକ ପୁସ୍ତିକା ମଧ୍ୟ ବାଣ୍ଟି ଥିଲା ଡାନିଶ।
