ଭୁବନେଶ୍ବର : ସଂପ୍ରତି ଜଳବାୟୁରେ ଅସ୍ବାଭାବିକତା ପରିଲକ୍ଷିତ ହୋଇଛି। ଦିନେ ଦୁଇଦିନ ସାଧାରଣ ପାଗ ରହିବା ପରେ ପୁଣିଥରେ ପାଗରେ ପରିବର୍ତ୍ତନ ଆସିବା ସୂଚନା ମିଳିଛି। ଆସନ୍ତା ୪ ତାରିଖରୁ ଦୁଇଦିନ ପର୍ଯ୍ୟନ୍ତ ୧୫ରୁ ଅଧିକ ଜିଲାରେ ସ୍ବଳ୍ପରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି। ଆସନ୍ତାକାଲି ଉତ୍ତର ଓଡ଼ିଶାର କିଛି ସ୍ଥାନରେ ବର୍ଷା ହେବ। ମଙ୍ଗଳବାର ପାଗ ପ୍ରାୟତଃ ଶୁଖିଲା ରହିବ। ତେବେ ୪ ତାରିଖରୁ ଭଦ୍ରକ, ବାଲେଶ୍ବର, କେନ୍ଦ୍ରାପଡ଼ା, କେନ୍ଦୁଝର, ମୟୂରଭଞ୍ଜ, ଗଞ୍ଜାମ, ଗଜପତି, କନ୍ଧମାଳ ଓ ଯାଜପୁର ଜିଲାରେ ଘଡ଼ଘଡ଼ି ସହ ବର୍ଷା ହୋଇପାରେ ବୋଲି ଆଇଏମ୍ଡି ପକ୍ଷରୁ ପୂର୍ବାନୁମାନ କରାଯାଇଛି। ୫ ତାରିଖରେ ବର୍ଷାର ପରିମାଣ ବୃଦ୍ଧି ପାଇବ। ଉପକୂଳ ଓ ଆଭ୍ୟନ୍ତରୀଣ ଓଡ଼ିଶା ସମେତ ଦକ୍ଷିଣ ଓଡ଼ିଶାର ଅନେକ ସ୍ଥାନରେ ବର୍ଷା ହୋଇପାରେ। ଏହି ସମୟରେ ପବନର ବେଗ ୩୦ରୁ ୪୦ କିମି ମଧ୍ୟରେ ରହିବ। ବର୍ଷା ଅଭାବରେ ଏବେ ତାତି କିଛିଟା ବୃଦ୍ଧି ପାଇଛି। ରାତିବେଳା ସର୍ବନିମ୍ନ ତାପମାତ୍ରା ୨ରୁ ୩ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଉଥିଲେ ସୁଦ୍ଧା ଦିନ ସମୟରେ ପାରଦ ବଢ଼ୁଛି।
Popular Categories
Previous article
Next article