କଳାପଥର : ବାଙ୍କୀ ଉପଖଣ୍ଡ ବୈଦ୍ୟେଶ୍ୱର ଥାନା ଅନ୍ତର୍ଗତ କଢାମଲ୍ଲ ତାରେଣି ମନ୍ଦିର ପଛପାଖ ରାସ୍ତାର ଆରୁଡା ବନ୍ଧ ହୁଡାରେ ଶନିବାର ଅପରାହ୍ନରେ ଏକ ମୋରମ ବୋଝେଇ ଟ୍ରାକ୍ଟର ଓଲଟି ପଡିବାରୁ ଘଟଣା ସ୍ଥଳରେ ଗାଡି ଚାଳକଙ୍କ ମୃତ୍ୟୁ ହୋଇଥିବା ଜଣାପଡିଛି। ମୃତ ଟ୍ରାକ୍ଟର ଡ୍ରାଇଭର ଜଣକ ହେଉଛନ୍ତି ବୋଲଗଡ ଥାନା ବାଙ୍କୋଇ ଫାଣ୍ଡି ସାଗରୁଗାଁ ପଞ୍ଚାୟତ ସିଂହପୁର ଗ୍ରାମର ମନୋଜ ପରିଡା।
ସୂଚନା ଅନୁଯାୟୀ, କଢାମଲ୍ଲ ଗ୍ରାମର ଜନୈକ ବ୍ୟକ୍ତି ତାଙ୍କର ବାଡିରେ ମାଟି ପକାଇବା ପାଇଁ ବୋଲଗଡ ବ୍ଳକ ସାଗୁରଗାଁ ପଞ୍ଚାୟତ ସିଂହପୁର ଗ୍ରାମର ଜଣେ ଟ୍ରାକ୍ଟର ମାଲିକ ସମେତ ଜେସିବି ମାଲିକ ଜିତେନ୍ଦ୍ର ରାଉତଙ୍କୁ ଯୋଗାଯୋଗ କରିଥିଲେ। ଟ୍ରାକ୍ଟର ମାଲିକ ମନୋଜ ପରିଡାଙ୍କ ହାତରେ ନିଜର ଟ୍ରାକ୍ଟରକୁ ଧରାଇ ଦେଇଥିଲେ। ନିକଟସ୍ଥ ଆରୁଗୁଡା ବନ୍ଧ ଢିପରୁ ଜେସିବ ସହାୟତାରେ ମାଟି ତାଡି ଟ୍ରାକ୍ଟର ସହାୟତାରେ ମାଟି ବୋହୁଥିବା ସମୟରେ ଗାଡି ଚାଳକ ମନୋଜଙ୍କ ଅସାବଧାନତା ହେତୁ ଟ୍ରାକ୍ଟରଟି ବନ୍ଧ ତଳକୁ ଗଡିଲା ବେଳେ ଇଞ୍ଜନଟି ଓଲଟି ପଡିଥିଲା। ଘଟଣା ସ୍ଥଳରେ ଟ୍ରାକ୍ଟର ତଳେ ଛଟପଟ ହୋଇ ଚାଳକ ମନୋଜଙ୍କ ମୃତ ହୋଇଥିବା ଅଭିଯୋଗ ହୋଇଛି। ବୈଦ୍ୟେଶ୍ୱର ଥାନାରେ ୧୧/୨୦ ରେ ମାମଲା ରୁଜୁ ହୋଥିବା ବେଳେ ମୃତ ମନୋଜର ସମ୍ପକୀୟ ମାମୁଁ ଟ୍ରାକ୍ଟରରେ ଚାପି ହୋଇ ମରିଥିବା ଲିଖିତ ଜଣାଇଥିବା ଥାନାର ଭାରପ୍ରପ୍ତ ଅଧିକାରୀ ଶୁଭ୍ରାନ୍ତ କୁମାର ଜେନା ସୁଚନା ଦେଇଛନ୍ତି।
