ନୂଆଦିଲ୍ଲୀ: ଦୀପାବଳୀରେ ଆତଙ୍କବାଦୀ ଆକ୍ରମଣ ଆଶଙ୍କା କରାଯାଇ ଏନଆଇଏ ପକ୍ଷରୁ ଆଲର୍ଟ ଜାରି କରାଯାଇଛି। ଚାରି ସନ୍ଦିଗ୍ଧ ଆତଙ୍କବାଦୀଙ୍କୁ ଉତ୍ତରପ୍ରଦେଶ ଗୋରଖପୁରରେ ଠାବ କରାଯାଇଛି। ନେପାଳ ସୀମାନ୍ତରେ ଏସଏସବି ଏବଂ ୟୁପି ଯବାନ ତଲାସୀ ଅଭିଯାନ ଜାରି ରଖିଛନ୍ତି।
ଏନଆଇଏ ପକ୍ଷରୁ କୁହାଯାଇଛି ଯେ, ଏହି ଆତଙ୍କବାଦୀମାନେ ନେପାଳ ରାସ୍ତା ଦେଇ ଭାରତରେ ପ୍ରବେଶ କରିଛନ୍ତି। ଅକ୍ଟୋବର ୧୭ ଅର୍ଥାତ୍ ଆଜି ଦିଲ୍ଲୀରେ ଏକତ୍ରିତ ହେବେ। ଏହି ସବୁ ଆତଙ୍କବାଦୀ ଶିଫ୍ଟ ଡିଜାୟର କାରରେ ଯାତ୍ରା କରୁଥିବା ଦେଖିବାକୁ ମିଳିଛି। କିଛି ଆତଙ୍କବାଦୀ କାଶ୍ମୀରରୁ ଦିଲ୍ଲୀରେ ପହଞ୍ଚିବେ ବୋଲି ଜଣାପଡିଛି। ଏହି କାରଣରୁ ଦିଲ୍ଲୀ ଓ ୟୁପି ସମେତ ଅନ୍ୟାନ୍ୟ ରାଜ୍ୟରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି। ଏହା ସହ ଆତଙ୍କବରାଦୀଙ୍କ ଚେହେରା ଚିତ୍ର ଏନଆଇଏ ପାଖରେ ରହିଛି। ଏହି ଆଧାରରେ ପୁଲିସ ଛାନଭିନ୍ ଆରମ୍ଭ କରିଛି।
Comments are closed.