କୋଦଳା: କୋଦଳା ଥାନା ତଥା ଏନଏସି ଓ୍ଵାର୍ଡ ନମ୍ବର ୧ ବି.ନୁଆପଲ୍ଲୀରେ ସୋମବାର ଏକ ଦୁଃଖଦ ଘଟଣା ଘଟିଯାଇଛି ।ବିଷାକ୍ତ ସାପ କାମୁଡା ରେ ମା ପୁଅଙ୍କ ମୃତ୍ୟୁ ଘଟିଥିବା ବେଳେ ପଡୋଶୀ ଘରର ଜଣେ ଗୁରୁତର ହୋଇ ବ୍ରହ୍ମପୁର ବଡ ମେଡିକାଲ ରେ ଚିକିତ୍ସିତ ହେଉଥିବା ଜଣାପଡ଼ିଛି । ଘଟଣା ହେଉଛି ବି.ନୁଆପଲ୍ଲୀ ଗ୍ରାମର କାଳିଆ ପରିଡାଙ୍କ ସ୍ତ୍ରୀ ମନାସ ପରିଡ଼ା ,ବଡ ପୁଅ , ସାନପୁଅ ଆଶିଷ ଘରେ ଶୋଇଥିବା ବେଳେ ମଧ୍ୟ ରାତ୍ର ରେ ହଠାତ ସାନ ପୁଅ କାନ୍ଦିବାରେ ଲାଗିଲା। ଏହା ଦେଖି କଣ ହେଲା ବୋଲି ବାପା ଜାଣିବା ସମୟ ରେ ମାଆ ମଧ୍ୟ ଚିତ୍କାର କରିଥିଲେ। କୌଣସି ଜନ୍ତୁ କାମୁଡି ଦେଇଛି ଜାଣିବା ପରେ ସଙ୍ଗେ ସଙ୍ଗେ କୋଦଳା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ପହଞ୍ଚି ଥିଲେ। ସେଠାରେ ଚିକିତ୍ସାଧିନ ଅବସ୍ଥା ରେ ଆଶିଷର ମୃତ୍ୟୁ ଘଟିଥିବା ବେଳେ ମାଆ ମନାସକୁ ବ୍ରହ୍ମପୁର ବଡ ମେଡିକାଲ ସ୍ଥାନାନ୍ତର କରାଯାଇଥିଲା।ବ୍ରହ୍ମପୁର ମେଡିକାଲରେ ଚିକିତ୍ସା ସମୟ ମାଆ ମନାସ ର ମଧ୍ୟ ମୃତ୍ୟୁ ଘଟିଥିଲା। ଏପରି ଘଟଣା ପରେ ତାର ପରିବାର ଲୋକେ ଶୋକ ସାଗର ରେ ଭାସୁଥିବା ବେଳେ ପଡିଶା ଘର କାଳିଆ ପରିଡାଙ୍କ ସ୍ତ୍ରୀ ସାନ୍ତ୍ଵନା ଦେବା ନିମନ୍ତେ ମନାସ ଘରେ ପହଞ୍ଚି ସେମାନଙ୍କୁ ବୁଝାଉ ଥିଲେ। ଠିକ ସେତିକି ବେଳେ ତାଙ୍କୁ ମଧ୍ୟ କୌଣଷି ସାପ କାମୁଡି ଦେଇଥିଲା ।ପରେ ପରେ କୋଦଳା ଓ ବ୍ରହ୍ମପୁର ମେଡିକାଲରେ ଚିକିତ୍ସାଧୀନ ଅଛନ୍ତି । ଏହାକୁ ନେଇ ସ୍ଥାନୀୟ ଅଞ୍ଚଳ ରେ ଶୋକର ଛାୟା ଖେଳି ଯାଇଛି। ଘରେ ବୃଦ୍ଧ ଶାଶୁ ଶଶୁରଙ୍କ ସମେତ ଅନ୍ୟ ଏକ ପୁତ୍ର ବାହୁନି ବାହୁନି କାନ୍ଦୁଛନ୍ତି ।ଉକ୍ତ ପରିବାର କୁ ସରକାରି ସହାୟତା ପ୍ରଦାନ କରିବାକୁ ଗ୍ରାମବାସୀ ନିବେଦନ କରିଛନ୍ତି।
Popular Categories
Previous article
Next article