କଳାହାଣ୍ଡି : କଳାହାଣ୍ଡି ଜିଲା ଜୟପାଟଣା ବ୍ଲକ ଅନ୍ତର୍ଗତ କୁଚାଗାଁ ପଞ୍ଚାୟତର ମାଲଗୁଣ୍ଡି ଗାଁର ଭବ ନାଏକ ନାମକ ଜଣେ ଭିନ୍ନକ୍ଷମଙ୍କର ବୁଧବାର ମୃତ୍ୟୁ ହୋଇଥିଲେ ହେଁ ମୃତଦେହ ସତ୍କାର ହୋଇପାରି ନାହିଁ। ଆତ୍ମୀୟ ସ୍ୱଜନ ଅନ୍ତିମ ସଂସ୍କାର ପାଇଁ ମନା କରିଦେବା ଫଳରେ ପ୍ରାୟ ୧୧ ଘଣ୍ଟା ଧରି ମୃତଦେହ ପଡ଼ିରହିଥିବା ସୂଚନା ମିଳିଛି।
ସୂଚନା ଅନୁଯାୟୀ, ଭବ ଭିନ୍ନକ୍ଷମ ହୋଇଥିବାରୁ ଭତ୍ତାକୁ ସାହାରା କରି ଗୁଜୁରାଣ ମେଣ୍ଟାଉଥିଲେ। ସ୍ତ୍ରୀର ମୃତ୍ୟ ପରେ ସେ ନିସଙ୍ଗ ହୋଇ ପଡ଼ିଥିଲେ। ଗତ ୨୦୧୪ ମସିହାରେ ତାଙ୍କ ପାଖରେ ଥିବା ଘରଡିହ ମଧ୍ୟ ବିକ୍ରି କରି ଦେଇଥିଲେ। ପରିବାର ଲୋକେ ଦୁଇ ଡେସିମିଲ ଜମି ଛାଡି ଅନ୍ୟ ସବୁକୁ ବିକ୍ରି କରିବା ପାଇଁ ଅନୁରୋଧ କରିଥିଲେ। କିନ୍ତୁ ଭବ ତାହା କରିନଥିଲେ। ଏବେ ମୃତ୍ୟୁ ପରେ ସେହି କାରଣକୁ ନେଇ ପରିବାର ଓ କୁଟୁମ୍ବ ଶବ ସଂସ୍କାର ପାଇଁ ମନା କରିଦେଇଛନ୍ତି। ଦୁଇଦିନ ତଳେ ସେହି ଅଞ୍ଚଳରୁ ଏକ ଅଚିହ୍ନା ମୃତଦେହ ଠାବ କରି ଜୟପାଟଣା ପୁଲିସ ନିଜ ତତ୍ତ୍ବାବଧାନରେ ସଂସ୍କାର କରିଥିଲା। ଏବେ ଭବଙ୍କ ମୃତଦେହକୁ ନେଇ ମାନବିକତା ଉପରେ ପ୍ରଶ୍ନ ଉଠିଛି।
ସଂସ୍କାର ପାଇଁ କେହି ଆସିଲେନି, ପଡ଼ିରହିଲା ଭିନ୍ନକ୍ଷମଙ୍କ ମୃତଦେହ
Popular Categories
Previous article
Next article