ଜଗତସିଂହପୁର: ଜଗତସିଂହପୁର ଜିଲା ପାଟେଣି ଗ୍ରାମରେ ରବିବାର ସକାଳେ ଏକ ଅଭାବନୀୟ ଘଟଣା ଘଟିଛି । ଖୁଦୁରୁକୁଣୀ ଶେଷ ପାଳିରେ ପୋଖରୀ ତୁଠକୁ ଯାଇଥିବା ୬ ନାବାଳିକା ବୁଡ଼ି ଯାଇଥିଲେ । ତୁଠରେ ହଠାତ ଗୋଡ଼ ଖସିଯିବାରୁ ସେମାନେ ପାଣି ଭିତରକୁ ଖସି ପଡ଼ିଥିଲେ । ସ୍ଥାନୀୟଲୋକେ ବୁଡ଼ି ଯାଉଥିବା ଝିଅମାନଙ୍କୁ ସଙ୍ଗେ ସଙ୍ଗେ ଉଦ୍ଧାର କରିଥିଲେ । ସେମାନେ ଅସୁସ୍ଥ ହୋଇ ପଡ଼ିଥିବାରୁ ମଣ୍ଡାସାହି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।
