ଭୁବନେଶ୍ବର : ସେପ୍ଟେମ୍ବର ୧ରୁ ଦେଶରେ ନୂଆ ଟ୍ରାଫିକ୍ ନିୟମ ଲାଗୁ ହେବାପରେ ସାରା ରାଜ୍ୟରେ ଏହାକୁ କଡାକଡି ଭାବେ ପାଳନ କରାଯାଉଛି। ଶୁକ୍ରବାର ରାଜ୍ୟରେ ଥିବା ବିଭିନ୍ନ ଟୋଲ ଗେଟରୁ ୩୮ଜଣ ଗାଡି ଚାଳକ ଟ୍ରାଫିକ ନିୟମ ଭାଙ୍ଗି ଗିରଫ ହୋଇଥିବା ଜଣାପଡିଛି। ଗିରଫ ହୋଇଥିବା ଚାଳକମାନେ ମଦ୍ୟପାନ କରି ଗାଡି ଚଳାଉଥିବାରୁ ପୁଲିସ ସେମାନଙ୍କୁ ଗିରଫ କରିଥିବା ସୂଚନା ଦେଇଛି। ସାରା ରାଜ୍ୟର ବିଭିନ୍ନ ଜିଲାରୁ ୩୮ଜଣଙ୍କୁ ଗିରଫ କରାଯାଇଛି। ସୁନ୍ଦରଗଡ଼ରୁ ୧୧ଜଣ, ସମ୍ବଲପୁରରୁ ତିନି ଜଣ, କେନ୍ଦୁଝରରୁ ୫ଜଣ, ଯାଜପୁରରୁ ୩ଜଣ, ବରଗଡ଼ରେ ୩ଜଣ, କଟକରେ ୪ଜଣ , ଗଞ୍ଜାମରେ ୩ଜଣ, ଖୋର୍ଦ୍ଧାରେ ୩ଜଣ ଓ ବାଲେଶ୍ବରରୁ ତିନି ଜଣ ମଦୁଆ ଚାଳକଙ୍କୁ ଗିରଫ କରାଯାଇଛି।
ସୂଚନା ଯୋଗ୍ୟ, ପରିବହନ ସଚିବ ଜି. ଶ୍ରିନିବାସନ୍ ରାଜ୍ୟର ଥିବା ସମସ୍ଥ ୧୪ଟି ଟୋଲ ଗେଟରେ ମଦ୍ୟପାନ କରି କରି ଗାଡି ଚାଳକଙ୍କୁ ଧରିବା ପାଇଁ ବ୍ରେଥ୍ ଆନାଲାଇଜର ଦ୍ବାରା ଯାଞ୍ଚ କରିବାକୁ ନିର୍ଦ୍ଦେଶ ଦେଇଥିଲେ।
