ନବରଙ୍ଗପୁର: ନବରଙ୍ଗପୁର ଜିଲା ରାଇଘର ବିକାଶର ସମୀକ୍ଷା କରିଛନ୍ତି ୫ଟି ତଥା ନବୀନ ଓଡ଼ିଶା ଅଧ୍ୟକ୍ଷ ଭି.କେ ପାଣ୍ଡିଆନ। ଗତ ମାର୍ଚ୍ଚ ମାସରେ ଜିଲାବାସୀଙ୍କୁ ଦେଇଥିବା ପ୍ରତିଶ୍ରୁତି ବିଷୟରେ ଅଗତ କରାଇଥିଲେ ୫ଟି ଅଧ୍ୟକ୍ଷ । ଏହି ୯ ମାସ ମଧ୍ୟରେ ଜିଲାକୁ ୪୫୦କୋଟି ଟଙ୍କା ମଞ୍ଜୁର ହୋଇଥିବା ବେଳେ ଉମରକୋଟ ପାଇଁ ୨ଶହ କୋଟି ମଞ୍ଜୁର ହୋଇଛି। ଜିଲାର ତେନ୍ତୁଳିଖୁଣ୍ଟି, କୋଷାଗୁମୁଡା, ଜାଡିଗାଁ ରାଇଘରରେ ଖୁବଶୀଘ୍ର ଡିଗ୍ରୀ କଲେଜ ପାଇଁ ମୁଖ୍ୟମନ୍ତ୍ରୀ ଅନୁମୋଦନ କରିଛନ୍ତି। ସ୍ଥାନୀୟ ଲୋକେ ଦେଇଥିବା ଦରଖାସ୍ତର ବିଚାର କରାଯାଇ ୧୦ ଦିନ ମଧ୍ୟରେ ଖୁସି ଖବର ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ୫ଟି ଅଧ୍ୟକ୍ଷ। ଏହାପରେ ଲକ୍ଷ୍ମୀପୁର ସାଧାରଣ ସଭାରେ ୫ଟି ଅଧ୍ୟକ୍ଷ ଯୋଗ ଦେଇଥିଲେ। ବିଏସକେୱାଇ କାର୍ଡ ଲାଗି ପଞ୍ଜିକରଣ ଚାଲିଥିବା ବେଳେ ଆସନ୍ତା ୧୬ ତାରିଖ ପର୍ଯ୍ୟନ୍ତ ଆବେଦନ ଚାଲିବ। ଏହି ସମୟ ମଧ୍ୟରେ ଆବେଦନ କରିବାକୁ ୫ଟି ଅଧ୍ୟକ୍ଷ କହିଛନ୍ତି। ଏହାସହିତ ଆସନ୍ତା ୨ ମାସ ମଧ୍ୟରେ ପ୍ରତି ପଞ୍ଚାୟତରେ ଆମ ବ୍ୟାଙ୍କ ଖୋଲିବ। ମଧୁବାବୁ ଭତ୍ତା ରାଶି ବୃଦ୍ଧି ନେଇ ମୁଖ୍ୟମନ୍ତ୍ରୀ ଖୁବଶୀଘ୍ର ଖୁସି ଖବର ଦେବେ ବୋଲି ପାଣ୍ଡିଆନ ସୂଚନା ଦେଇଛନ୍ତି।
Popular Categories
Previous article
Next article