ନୂଆଦିଲ୍ଲୀ : ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ସେହିପରି ମୃତ୍ୟୁ ସଂଖ୍ୟା ମଧ୍ୟ ବଢି ଚାଲିଛି।
ଗତ ୨୪ ଘଣ୍ଟା ମଧ୍ୟରେ ଦେଶରେ ଆଉ ୪୦ ଜଣ ସଂକ୍ରମିତ ଲୋକଙ୍କ ମୃତ୍ୟୁ ଘଟିବା ସହ ୧୦୩୫ ଜଣ ଲୋକ ଭୂତାଣୁରେ ସଂକ୍ରମିତ ହୋଇଥିବାର ପରୀକ୍ଷାରୁ ଜଣାପଡ଼ିଛି । ଏଥିସହିତ କରୋନା ଭୂତାଣୁରେ ସଂକ୍ରମିତ ଲୋକଙ୍କ ସଂଖ୍ୟା ୭୪୪୭ରେ ପହଂଚିଛି ।
କେନ୍ଦ୍ର ସ୍ୱାସ୍ଥ୍ୟ ଓ ପରିବାରଣ କଲ୍ୟାଣ ମନ୍ତ୍ରଣାଳୟ ପକ୍ଷରୁ କହାଯାଇଛିଛି, ଏପର୍ଯ୍ୟନ୍ତ ୬୪୩ ଜଣ ସଂକ୍ରମିତ ବ୍ୟକ୍ତି ସୁସ୍ଥ ହେବାରେ ସେମାନଙ୍କୁ ହସ୍ପିଟାଲ୍ରୁ ଛାଡ଼ିଦିଆଯାଇଛି । ଗତ ୨୪ ଘଣ୍ଟା ଭିତରେ ୪୦ ଜଣ ଲୋକଙ୍କର ମୃତ୍ୟୁ ଘଟିବା ପରେ ସଂକ୍ରମଣଜନିତ ମୃତ୍ୟୁସଂଖ୍ୟା ଦେଶରେ ୨୩୯ରେ ପହଂଚିଛି ।
ଅନ୍ୟପକ୍ଷରେ ଭାରତୀୟ ଡାକ୍ତରୀ ଗବେଷଣା ପରିଷଦ କହିଛନ୍ତି, ଏପର୍ଯ୍ୟନ୍ତ ୧ ଲକ୍ଷ ୬୧ ହଜାର ୩୩୦ଟି ନମୁନାର ପରୀକ୍ଷା କରାଯାଇଛି । ତାହା ମଧ୍ୟରୁ ଶୁକ୍ରବାର ୧୫ ହଜାର ୬୩୩ଟି ନମୁନାର ପରୀକ୍ଷା କରାଯାଇଛି ।
ଆଇସିଏମ୍ଆର୍ ଏହାର ପରୀକ୍ଷାଗାରଗୁଡ଼ିକରେ କାର୍ଯ୍ୟକୁ ତ୍ୱରାନ୍ୱିତ କରିବା ସହ ୧୪୬ଟି ପରୀକ୍ଷାଗାର ଓ ୩ଟି ନମୁନା ସଂଗ୍ରହ କେନ୍ଦ୍ରକୁ ଅନୁମୋଦନ କରିଛି । ଏହାବ୍ୟତୀତ ୬୭ଟି ବେସରକାରୀ ପରୀକ୍ଷାଗାରକୁ କୋଭିଡ଼୍-୧୯ ଭୂତାଣୁ ପରୀକ୍ଷାପାଇଁ ଅନୁମତି ପ୍ରଦାନ କରାଯାଇଛି ।
କରୋନା ଅପଡେଟ୍ : ୨୪ ଘଣ୍ଟାରେ ୪୦ ମୃତ, ୧୦୩୫ ସଂକ୍ରମିତ
Popular Categories
Previous article
Next article