ଚୌଦ୍ୱାର : ଚୌଦ୍ୱାର ପୁଲିସ ୨ଜଣ ଚୋରଙ୍କୁ ଗିରଫ କରି ଅଦାଲତ ଚାଲାଣ କରିଛି। ସେମାନେ ହେଲେ ଏହି ଥାନା ମହିସାଲଣ୍ଡା ପଞ୍ଚାୟତ ମାଛପଙ୍ଗୀ ଗ୍ରାମର ଅଶୋକ ଦେହୁରୀ ଓ ସୋମନାଥ ଦେହୁରୀ। ସେମାନଙ୍କ ନିକଟରୁ ପୁଲିସ ୨ଟି ଚୋରି ପଙ୍ଖା ଜବତ କରିଛି । ପୁଲିସ ସୂଚନା ଅନୁଯାୟୀ ଅଭିଯୁକ୍ତ ଦୁଇଜଣ ଗତ ସେପ୍ଟେମ୍ବର ମାସ ୨୭ ତାରିଖରେ ମାଛପଙ୍ଗୀ ନିକଟସ୍ଥ ବନ୍ତୋ ଗ୍ରାମରେ ଥିବା ଏକ ଫାର୍ମରୁ ପାଣି ପମ୍ପ, ଟ୍ରାକ୍ଟର ଟାୟାର ଓ ୨ଟି ସିଲିଂ ଫ୍ୟାନ୍ ଚୋରି କରିଥିବା ଫାର୍ମ ମାଲିକ ଜୀବନ ମହାନ୍ତି ଚୌଦ୍ୱାର ଥାନାରେ ଅଭିଯୋଗ କରିଥିଲେ। ପୁଲିସ ଘଟଣାର ତଦନ୍ତ କରି ଅଭିଯୁକ୍ତ ମାନଙ୍କୁ ସେମାନଙ୍କ ଗ୍ରାମରୁ ଗିରଫ କରିଥିଲେ। ପମ୍ପ ଓ ଟାୟାର ବିକ୍ରି କରିଦେଇଥିବା ଅଭିଯୁକ୍ତ ଦ୍ୱୟ ପୁଲିସ ନିକଟରେ ସ୍ବୀକାର କରିଥିବା ଜଣାପଡ଼ିଛି ।
Comments are closed.